الرئيسية قصص لبنى مكتوبة قصة إنسان مات على جال أسرته

قصص لبنى مكتوبة

قصة إنسان مات على جال أسرته

البارح قبل ما نرقد تفكرت صاحبي مسكين في عمرو 43سنة كي كنت طالع للدار. تلاقيت بيه قاعد قدام واحد الشجرة. سقسيتو واشبيك قالي والو اني غلبت برك. قتلو تحب نديك للطبيب قالي لالا مكان علاه. قتلو كاشما تحتاج دراهم ولا كاش حاجة قولي قالي لالا يكثر خيرك. مكان والو

عائلة لبنى للقصص إشتراككم بالقناة هو دعم للقناة كى تستمر وتواجدك معنا هو شرف كبير لنا فلا تحرم نفسك من الاستفادة ولا تحرمنا من شرف انضمامك الينا اضغط هنا للإشتراك اشترك في قناتي الثانية لقصص الرعب

ملاحظة: المقالات والمشاركات والتعليقات المنشورة بأسماء أصحابها أو بأسماء مستعارة لا تمثل الرأي الرسمي لقناة لبنى للقصص أو مجلة ياسيمن بل تمثل وجهة نظر كاتبها ونحن لا نتحمل أي مسؤولية أو ضرر بسبب هذا المحتوى.

المهم رحت للدار. من بعد حكاتلي يما بحكم انهم جوارينا. قاتلي مسكين. من نهار كان في عمرو 17وهو يخدم عالدار. باباه معندوش شهرية. وهو الكبير في خاوتو. المهم مصروف تاع الدار كامل عليه وحدو. المهم كلش طايح عليه. ما تريسيتي ماكلة مرض

فرح ولا قرح كلش يجبد وحدو. زوج ختو عندها 40ومن بعد زاد وحدة عندها37وزاد زوج واحد عندو 34 ومن بعد زاد واحد 32 وزاد زوج طفلة. 28.كامل زوجهم. هو. المهم هو ماصو يخدم فالشونطي.. ف الشهر هذا كان مريض شوية. مقدرش يخدم

قالي بابا ويما يضلو يعايرو فيا. نتاجك تزوجو وانت ارقد. قالي والله غير راني مريض. مقدرتش نخدم. قالي قلت لخاوتي عاونوني شوية فالمصروف تاع الدار. راني مريض. حاب نجري على روحي. قالي مكانش لي داها فيه. غاضتو عمرو. ضيع حياتو على جالهم. وكي حصل مكانش لي وقف معاه. النهارات اللخرين مكانش يبان كامل. انا قلت بلاك راه عند كاش واحد من خاوتو. حتى قاتلي يما بلي راه مريض. قلت والله غير غدوة نروح نسقسي عليه. بلاك راه محتاجني واحشم باش يقولي. المهم صباح رحت نخدم

وفي بالي كي نخرج من الخدمة نجوز عندو نشوفو. والله ملحقتش وقت الغدى كانت قريب 12حتى عيطتلي يما قالتلي او صاحبك مسكين مات.. والله مقدرت نخدم. رحت طلبت الخروج من الخدمة. وحكمت طاكسي للدار. كي لحقت نلقى الجوارين والغاشي والناس تتباكى.

شحال غاضني مسكين. والله عطاه ربي واحد القلب والشكل والاخلاق. من كلش. سبحان الله. عاش حياتو للدار. كبر خاوتو وزوجهم. وقعد يخدم على والديه. حتى للدقيقة اللخرى. نهار الجنازة. تلاقيت بخاوتو. قتلهم باش مات محمد. قالولي. سكتة قلبيّة. مسكين قتلو الزعاف والقهر. غاضتو عمرو. نطلب ربي يحسن مثواه. ويخفف عليه. ويجمعني بيه في جنات النعيم. كان اعز صديق ونعم الجار. والله منهار توفى. كرهت الحومة. كرهت خاوتو. كرهت هاد العالم المنافق. ربي يرحمك خويا محمد. لله ما اخذ ولله ما اعطى. انا لله وانا اليه راجعون. ترحمو عليه مسكين💔

السابق
حكايتي مع ولد حلال
التالي
تحميل تطبيق Game Turbo 6.0 الأصدار المحسن

اترك تعليقاً