الرئيسية قصص لبنى مكتوبة ناريمان بعد ما عصبـت والديها على جال عيماد ….هذا هو الشي لي دفعاتو

قصص لبنى مكتوبة

ناريمان بعد ما عصبـت والديها على جال عيماد ….هذا هو الشي لي دفعاتو

انا نريمان عمري 23سنة من الشرق قصتي بدات كي كان عمري 14سنة .كنت عايشة مع والديا واخوتي 6ذكور .وانا البنت الوحيدة .عشت مع اخوتي احلى عيشة بصح كانو يدخلو في اي حاجة يخيرو هما لبستي وحتى صحاباتي هما يخيرهم .وانا كنت حاستهم بلي راح يعقدوني على خاطر كامل صحاباتي يلبسو لي يحبو الا انا كان لباسي ملتزم .بصح كلشي متوفر

كنت نقرى عام تاع البيام .في السيام كان قريب شوية لدارنا بصح جاي في بلاصة خالية .صحبتي لقريبة ليا بنت خالي .هي اكثر مني بصح معاودة العام .انا كنت قراية الحمد الله .بنت خالي اسمها .إلهام . وعندها حبيبها اسمو. أيمن.وعندو صاحبو اسمو عماد .كنا كي نروحو نقراو تروح بنت خالي نتلاقا مع حبيبها .يجي معاه هذا صاحبو عماد. وكان يعجبني جاي أسمر.وطويل يهبل .وذيك الضحكة تقتلني المهم كنا معجبين.ببعضانا بصح مقدرش يهدر معايا على خاطر خاوتي مدايرين عليا العسة.

المهم قعدنا يمات وبعثلي النيمرو تاعو مع حبيب بنت خالي . هذاك النهار كانت فرحت. عمري.كملت لقراية روحت لدار غسلت وبدلت حوايجي .هزيت تلفون ماما عيطلو .حكينا شويا لباس لباس .قالي المهم عندك مدة تعجبني .ومعرفتش كيفاش نحكي معاك . كان تحبي تكوني معايا .وانا مفكرتش وقتلو مام انت تعجبني .أنا حبيتك بلا مانحكي معاك . قتلو نكمل قرايتي وفليل نحكيو .كوبينا كملت قرايتي .وتعشيت . ورحت لبيتي .ونستنا وكتاه يرقدو دارنا باه نعيطلو .انا أخوتي 3متزوجين في ديارهم .2خدامين بعاد علينا .مزال واحد برك معانا في الدار .وصلت 12تاع اليل جبت تلفون ماما وعيطلو وبدينا نحكيو كل مرة واش نحكيو حتى اذن الفجر قتلو انا غدوة نقرا لازم نرقد صليت الفجر ورقدة .على فكرة انا حافضة ربع القرآن ……….

بدا نهاري رحت نقرى حكيت لبنت خالي واش صرا .ودخلنا نقراو .وكي كملنا لقراية لعشية جا أيمن وعماد تلاقينا روحنا مع بعض نضحكو ونحكيو حتى قريب نوصلو لدار تفرقنا.المهم قعدنا نحكيو في التلفون لمدة 3شهر.سعات نتلاقو كي نخرج من القراية .وهو كان خدام يخدم في الخضرة مع أولاد عمو واحد النهار كان عيد الحب قالي نجي نشوفك لعشية وأنا قبلت كي خرجت تلاقينا جابلي كادو .ساعة وريحة وشكولاطة .انا قتلو منقدرش نديهم على خاطر نخاف يفيقولي دارنا

حسيتو تقلق وليت قبلت نديهم وروحت لدار فرحانة .بدلت قشي شربت حليب .هكا شويا ودخل خويا .لي معانا في الدار .وتركوه كان معمر دم .أنا مع شفتو قلبي. حبس .قدم عندي وضربني بكف طحت في لرض .منعتني ماما منو .قالي لي يخمم يهبطلي راسي نمحيه.وقالي الرخيس لي كنت معاه اني فزدتلو وجهو.انا ثما خلاص مت نخمم غير كيفاه نعيط لعماد باه نسقسي عليه قعدت شوية دخلو خاوتي المزوجيين .وبابا انا قلت يقتلوني .ايا جا عندي بابا قالي واش درتي قتلو سامحني غلط

قالي معليش السماح بصح لقراية تنسيها .سكت مقلت والو المهم مضربونيش .في الليل سرقت التلفون تاع ماما عيط لعماد قتلو حبيبي سامحني على واش صرا فيك ونبكي قالي عمري انت حلالي ونحمل كلش على جالك .قالي راني خيط راسي وضربة في فمي بصح راني لباس قتلو انا نخليك تصبح بخير قعدة 3أيام مرة مرة نعيط نسقسي عليه ومنقراش

جاعندي بابا قالي راح نخليك ترجعي تقراي بصح بشرط متعاوديش نفس الغلطة وخاوتك خليهم عليا .وانا فرحت وقررت نبعد على عماد ونكمل قرايتي ونرضي بابا وأخوتي على خاطر يحبوني .قريت سمانة كاملة نفوت على عماد كأني منعرفوش .جات الجمعة دوشت وقعدت نراجع وقت فروض وصل مساج لماما

رحت قلت نشوف لقيتو عيماد بعثلي مساج قالي عيطيلي تعيشي راني نحتاجك عيطلو الو لباس قالي لباس راني توحشتك والله معاتش نقدر وانت بعيدة .وأنا اكيد قلبي حن عليه قالي معاتش نعيطلك بصح نهار الاحد خليني نشوفك كي تكملي لقراية قتلو اوكي روحت بالاحد قريت وروحت تغديت بدلت قشي ورحت نقرا خرجت على 4:00لقيتو يستنا فيا قالي ارواحي نبدلو الطريق باه واحد مايشوفنا .قبلت رحنا من طريق خالية مشينا شوية ونتلاقا مع بابا انا كي شفتو الدم نشف في عروقي ومن هنا تبدأ حكايتي

الوقت لي شافني بابا مخي تبلوكا معاتش نخمم جبدني عماد بالخف لوحد الزنقة قالي متخفيش او مشفكش قتلو لالا شافني اليوم يقتلوني قالي خلاص روحي لدار وانا نوعدك نجي نخطبك قتلو لا نموت ومنروحش لدار قالي هو خلاص نديك معايا لدارنا ومن بعد نلقاو حل ملقيتش حل غي اني نروح معاه عماد كان عمرو 20سنة

رحت معاه وفي نص الطريق قالي اصبر نعيط لواحد صاحبي يجيبلي دراهمي ونروحو عند وحدين فميلتي في ولاية اخرى أنا قبلت قلت المهم منرجعش لدارنا كانت 5:00واخر طوموبيل لقيناها ركبنا فيها وانا طريق كاملة خايفة قلبي راح يحبس ونخمم في دارنا واش صاري فيهم هذا اليوم كان 15جانفي 2014

عمري مراح ننساه وصلنا عند فاميلتو ستقبلوني عادي رحبو بيا و بعد راحو معاه لشمبرة اخرى وسقساوه واش كاين حكالهم كلشي من بعد جاو عندي يصبرو فيا قالولي راكي بنتنا متخفيش ميصرالك والو .شوية هكا وصونا تلفون عماد أنا فشلت .خزر فيا وقالي متخفيش وصاحبي .قتلو هز عليه سقسيه واش صرا مع ربوندا عليه قالو واينك انت واينك واش درتي قالو والو حبيتها ديتها وخلاص .قالو صاحبو انت اتمعشق وحنا رانا حاصلين قالو عماد واش كاين .قالو خوتها راهم سمعو بالحكاية

وراهم قافلين الحومة بالسيوفا .يحوسو عليك قالو عماد اني جاي قتلو متروحش وتخليني قالي خلاص نواجهم ولي يصرا يصرا مكملش الهدرة عاود عيطلو صاحبو قالو انت واينك خبرو بالبلاصة لي حنا فيها

قالو درك نجيك ونديرو حل قعد عماد بحذايا جابولي فاميلتو لعشاء وخلونا وحدنا واحد فينا لا قدر ياكل كان غير يروح ويجي ويتكيف ومن بعد خزر فيا وقالي أني والله نحبك أنا دموعي هبطو كنت ندابة نبكي على كلشي 😭😭جا عندي حضني وهذي اول مرة يلمسني فيها حسيت روحي نتقطع من الداخل وقلبي يضرب ومن بعد حط يديه على وجهي وقالي متخفيش والله ما نخليك

وبقى يخزر فيا مفقتش حتى لقيت فمو في فمي .واش نحكيلكم .عسل عسل 🍯🍯🍯قالي سمحيلي مقدرتش نحكم روحي انا سكت معرفتش واش نقول تبسمت وقتلو نحبك .خرج برا وخلاني جات وحدة من لبنات لي كانو في الدار قعدت معايا تلهي فيا باه منقلقش .قعدنا نحكيو على لقراية وتعرفت عليها هكا شويا ونسمع في الحس .أنا راني غير نموت ونحيا .حتى طبطب الباب راحو يفتحو الباب ويريتهم مفتحوش

ايه فتحو الباب …لقاو الشرطة وبابا وصاحب عيماد لي كان يهدر معاه .ايه ثم انا فهمت بلي خلاص آخر نهار راح نعيشو .دخلو دارو لعماد .لا مينوت وداوه ومن بعد دوني أنا .روحنا طريق كامل نخمم في عماد واش راح يصرى فيه .حتى وصلنا الولاية لي نسكن فيها ..داونا الشرطة دارولنا تحقيق على خاطر أنا قاصر . قالولي داك بسيف عليك ضربك واش دارلك .قلتلهم مدارلي والو رحت برضايتي وأنا نحبو .قالي الشاف تعهم ارواحي معايا داني لغرفة أخرى. وقالي راكي كيما بنتي احكيلي الصح ومتخفيش قتلو هذا هو الصح أنا رحت برضايتي .قالي مدارلك والو قتلو مدلي والو .خلاني وحدي شوية هكا ودخلو عماد سقسوه .حتى هو .وهبطوه لسيلونة .خلوه ثما .ورجعو عندي قالولي ندوك ديري شهادة طبية .داوني لسبطار شفتيني الطبيبة .قالتلهم لباس عليها .رجعوني .جا بابا باه يديني لدار أنا قتلو منروحش معاك .واش نحكيلكم بابا وجهو مقدرش يهزو من الارض .نشاء الله يسامحني.

قالولو خليها راهي خايفة الليلة تقعد عندنا حتى لصباح ونشوفو واش نديرو قعدة عند الشرطة .راحو جابولي ناكل مقدرتش ناكل .خلوني وحدي قالولي أرقدي ارتاحي وراحو .وأنا بقيت نخمم واش راح يصرى في عماد .شوية هكا دخل شرطي عندي .قالي انت هي نريمان .قتلو أنا هي قالي أنا راني صاحب عماد ومن قبيل يحكيلي عليك وراهو يحبك و راني قتلو كون منلقاكش شابة نخليه في السيلونة .ومن بعد قالي راك شابة الله يبارك نروح نخرجو .ضحك وقالي متخفيش نشاء الله فيها خير .أنا طويلة وبيضة مقبولة الحمد الله.

المهم قعدة وحدي نخمم حتى طلع النهار .جاء عندي الشرطي قالي بلي لازم نروحو للمحكمة .باه نقابل القاضي .إيه روحنا عاودو سقساونا المهم أنا حكيت الصح واش صرا .كملنا جا عندي بابا داني معاه .روحنا عند بيت خالتي مقدرش يديني لدارنا خاف من أخوتي .رحت عند خالتي لقيتها وجدتلي الدوش دوشت وبدلت وكليت شوية قعدت نخمم في عماد واش صاري فيه حتى نشوف في تلفون خالتي محطوط .مصدقتش هزيتو عيط لعماد هز عليا قالي عرفتك انت .قتلو واش أخبارك لباس لباس .قتلو راك تبان تعبان .قالي راني خايف من الحبس .قتلو علاه الحبس .قالي بلي كون نتراجع أنا في هدرتي .ونقول راه داني بسيف عليا يدخل للحبس .قتلو راني معاك ومنخلهاش بيك .حكينا شوية .قتلو راني وين نلقى فرصة نعيطلك .وكوبيت

جات عندي ماما كي دخلت معرفتهاش من كثرت الخلعة وبكات .والله غاضتني قعدت تحضن وتبوس وتلوم فيا .المهم بقات معايا حتى لعشية وراحت قاتلي ضرك غدوة نرجع تجيبلك حوايجك لي تلبسي .قعدت عند خالتي 15يوم حتى وصل نهار الشرع

وصل نهار الشرع عيط أب عماد لبابا قالو خلي نزوجوهم ونقصو المشاكل بابا رفض ومحبش يمدني ليه رحنا للمحكما أنا كي شفت عماد عنيا ولاو قلوب توحشتو دخلنا للشرع دارولنا جلسة مغلقة غير حنا

عطاوه 3سنين وغرامة 45مليون أنا دخت فطنوني بالماء كي فطنت غير نبكي ونعيط .أجلولنا الشرع سمانة .قعدت في دارنا غير نبكي مناكل منشرب مانرقد.منهدر حتى مع واحد .فاتت سمانة نهار قبل الشرع جا عندي بابا قالي غير هذاك الانسان منمدكش ليه كون تموتي .راني نخمم في صلاحك راكي ماتقدريش تعيشي معاه

عماد كان ناس على قد الحال .وأنا دارنا الحمد الله ميش لباس علينا بصح مكفيين .قتلو أنا الفقر ميش عيب قالي علابالي بصح أكي ماتقدريش تصبري .أنا يبست راصي قتلو غير هو لي نديه .قالي والله والله والله ندير محامي وندخلو للحبس .وخرج .أنا بقيت نخمم .رحت لبنت خالتي قتلها تعيشي مديلي التلفون نعيط لعماد فالاول قاتلي لا

ومن بعد مدتلي قاتلي مطوليش .عيطلو عماد لباس لباس حكيتلو واش قالي بابا .قالي عادي الحبس للرجال وفوتلي أمو نهدر معاها قاتلي متخليهش يدخل للحبس وخلي نزوجوكم ونديرك كي بنتي ونخليك تكملي قرايتك وحكينا شويا وكوبيت .قعدت نخمم وصل الليل عيط لبابا قتلو أرواح .جا عندي قتلو منتزوجش مع عماد بصح بشرط .قالي واش هو .قتلو تسمحلو وتتنازل على الشكوة .ضربني بكف .قالي والله ماتحشمي .وخرج .غدوة الصباح جا عندي قالي وجدي روحك باه نروحو لبست حوايجي

روحنا كي وصلنا للمحكمة شفت عماد ضحك معايا وطيشلي بوسة .أنا ضحكت ودخلنا .للشرع القاضي سألهم واش تفهمتو .بابا قالو راني مسامح صغار غلطو منكبروهاش بصح بنتي منمدهالوش .أنا فرحت المهم عماد ميش راح يدخل للحبس .خرجنا قعدنا نستاناو شوية وعيطولنا .حكمو عليه براءة .وأنا راح نموت بالفرحة روحنا عند خالتي قالي بابا أقعدي هنا حتى نشوف حل مع خاوتك .قعدة أيامات عند خالتي .ومن بعد جاتني ماما قاتلي نديك عند خوك لكبير تقعدي عندو .على خاطر خويا

الصغير كان حالف يقتلني .روحت عند خويا لكبير قعدت شهر.كل يوم نكلم.عماد من تلفون مرت خويا هي كانت علابالها بلي راني نهدر بتلفونها بصح متقلي والو مخليتني على راحتي كمل الشهر رجعت لدارنا خويا مقال والو بصح ميهدرش معايا .أخوتي كامل ميدروش معايا .ونقطعت علاقتي مع عماد مدة 5شهر لا خبر عليه حتى بنت خالي معاتش نتقابل أنا وهي باه نسقسي عليه .بشوية بشوية حتى واحد النهار كان 13جوان 2014 زيدت مرت خالي وبنتها توفاة على الزيادة روحنا عندها كامل

وتلمينا كامل تلقيت بنت خالي صقصيتها على عماد قاتلي معلبليش قلتلها سقسي حبيبك أيمن عليه قاتلي معلبلوش بيه .وهي بالعاني محبتش تجبدلي عليه . كملنا النهار في الليل قعدنا نباتو عند بيت خالي .في الليل بنت خالي تهدر مع أيمن وأنا قاعدة معاها تكوبات وهي تهدر .قاتلي أيمن كوبا عليا بلاك خلاصلو لكريدي تاع الهدرة .وحنا قاعدين بدا تلفونها يصوني نيمرو جديد محبتش تهز عليه قاتلي خلي يصوني وراحت قاتلي نجيب حاجة ناكلوها ونجي .وصل مساج في تلفونها دخلت فيه لقيتو كاتب

أني أيمن هزي عليا أو نيمرو عماد ….أنا راح نطير بالفرحة .جبت تلفون ماما كتبت فيه النيمرو وقعدت معاهم كأنو مصرا والو .فاتت الليلة لغدوة قاتلي ماما نزيدو نباتو قتلها لالا أنا نروح قاتلي روحي وحدك مع باباك ديت تلفونها معايا وقلتلها راني نسيتو عندي ..روحت لدار عيط لعماد هز عليا.. الو شكون معايا .قتلو وحدة حابة تتعرف ضحك

وقالي دقيقة برك راني خدام شوية وعيطيلي ..على خاطر عيطلو بالماسكي .بقيت نخمم قلت خلاص أو نساني .قعدة شوية وعاودتلو هز عليا قالي واش أحبي أني توحشتك قتلو عرفتيني

قالي شكون ينسى الكبدة تاعو .حكينا شوية وأنا غير نبكي .قالي متبكيش غير أنا لي نديك .ومن بعد كوبينا فات النهار لغدوة روحت ماما وقاتلي مرت خالك مريضة وقعدت وحدها ومكانش شكون معاها قلتلها كان تحبي نروح نقعد معاها خبرت بابا قبل قالي روحي رحت عندها نعاونها شوية نغسل لماعن ولا نسيق الدنيا ونمسح وخلاص والطياب هي طيب .وكانت تخلي تلفونها متحوسش عليه .وليت أنا نعيط من تلفونها .كل يوم هكا حتى واحد الليلة قالي عماد حلي الباب درك تلقي تلفون وبيس حليت لقيتهم ركبت بيس.ونحكيو دايما قعدة عند بيت خالي شهر روحت لدارنا كل يوم نحكي معا عماد كل يوم مدة 4شهر حتى لواحد النهار وحنا نحكيو كان 25سبتمبر 2014……

25سبتمبر 2014 كنت نحكي مع عماد كانت لعشية قريب المغرب ومن بعد قالي كوبي درك نعاودلك كبيت وبقيت نستنا درك يعيط درك يعيط .مكان والو 22:45عيطلو قالي راني في سبيطار قتلو واش كاين خير قالي والو .بقيت نسقسي قالي راهو خوك ضربني على راسي وكرشي ورجلي .قتلو باه ضربك قالي بالموس .وقالي سامحيني المرة هذي منيش راح نسكت عليه وكوبا .وحد النص ساعة طبطب الباب كنت أنا وماما وبابا فرات في الدار حليت الباب نلقى الحومة معمرة

رجال وعماد معاهم هو كي شافني قالي أدخلي واش خارجك أنت أز…….أنا كي شفتو رابط راسو وبسسف مايمشي رحت عندو ونقلو راك لباس ونبكي وهو يقلي أدخلي ومتخرجيش أني لباس هكا شوية خرج بابا قالولو ولدك ونهو على خويا قالهم بابا مكانش .قالو عماد أني رايح بصح اي متفوتش على خير ضربتي نخلفها شوية هكا جا خويا معاه صحابو بدات تكبر لحكاية .عيطو الجيران الشرطة جاو فرزوهم على بعضاهم .قالولهم تشكيو قالو خويا لالا خليها بيناتنا .ولاو راحو المهم هدنت الحالة .خويا راح مع صحابو .جاو خوالي وفاميلتي كامل .قالهم بابا مكان والو .هما يحكيو .وأنا لبست حوايجي وخرجت بلا ميفيقو بيا

رحت عند عماد لدارهم .على 12بلاك .في الضلمة بحكم بعاد شوية علينا في الطريق نعيط لعماد ميربونديش .حتى وصلت لدارهم لقيتو مع صحابو وفاميلتو كامل كي شافني جا عندي حضني قالي وشبيك راكي لباس قتلو لباس قالي علاه جيتي قتلو اليوم دير حل يا نكونو مع بعض يا نموت .قالي مدبيا تكوني معايا .قالي خلاص معاتش ترجعي لداركم قتلو أيه .داني معاه لدارهم وهو محضني .وصلنا لدارهم قاتلو أمو منحتجهاش في داري قالها هو يا تقبليها يا تنسايني

جا عندو خالو قالو نديها عندي ومن بعد نديرو حل .قبل عماد داني لبيت خالو .رحت لبيت خالو ملقينا حتا واحد غير أنا وهو وخالو .شوية هكا خالو خرج .بقيت أنا وهو قعد بحذيا محضني ويتكيف .قتلو أنا عماد .قالي هو واش ياقلب عماد .قتلو كاين حاجة لازم ديرها باه دارنا يمدوني ليك .قالي هو واش هي ندير كلش على جالك .قتلو أنا رانا وحدنا …سامحوني على الكلمة هذي…قتلو لازم تكسرني باه دارنا تتحتم عليهم يمدوني ليك .جبدني عندو وزير عليا .قالي عمري مانمسك حتى نديك حلالي والله نحب نعيش معاك في الحلال .وقعد محضني .هكا شوية جا خالو قالو أم جاو الشرطة يحوسو عليك.قالو عماد ساهل اليوم نفضوها لحكاية .حكمني من يدي وخرجنا كي خرجنا هز الموس حطو في رقبتو وقالهم يمسها واحد نقتل روحي …

يمسها واحد نقتل روحي …أنا بقيت نخزر فيه متوقعتوش يدير هكا .جا عندو باباه قالو سيب الطفلة والله نجيبهالك عروسة قالو أحلف قالو باباه أني قتلك والله سيبني .رحت معاهم عيطو لدارنا قالولهم الطفلة راهي عندنا جاو خاوتي داوني خويا واحد كي وصلنا لدار ضربني بكف والله فقت بروحي في سبيطار .دارولي سيروم ورجعوني .فوت ليلة كي الكلبة محبوسة قافلين عليا في شمبرتي .طلع النهار جا خالي عند بابا وقالو مدها الكلبة اتهنا منها وتفاهمو باش يمدوني لعماد .أنا كي سمعت فرحت الوقت هذاك نخمم غير في عماد .جات عندي ماما قاتلي عجبك الحال درك .درك تروحي وتندمي.قاتلي حابة تتزوجي وأنت حبة بطاطا متعرفيش تقليها .وأنا صح منعرف ندير والو .راح بابا تفاهم مع أب عماد قراو الفاتحة وتفاهمو على نهار العقد خدملي الأوراق تاع العقد وبطاقة التعريف مكنتش عندي .قعدة أيمات في دارنا حتى وصل نهار العقد

14أكتوبر 2014نضت الصباح دوشت ولبست حوايجي عادي تاع كل يوم وجهي أصفر ..روحنا البلدية . لقيت عماد لابس شوميج بيضة سروال أكحل .والصباط أكحل البابيو كيفاه المهم جا يهبل صحابو يشطحو فرحانين معاه الدنيا مقلبة كي وصلنا قالو بابا تحبسو ولا نبطل حبسو كلشي .دخلنا قعدنا دخل النوتار حكا معانا شوية ومن بعد قرأ الفاتحة سقساني راكي قابلة.جاوبتو أكيد ضحك .تكلم عماد قالو مكلاه تسقسيني راني قابل ولاو كامل يضحكو ألا بابا .سنينا وقاللنا النوتار أعلنكما .زوج وزوجة .هو شرالي خاتم دوبل باڨ .وشرا خاتم ليه .أما مخلاهش بابا يلبسهولي ..خرجنا داني بابا لدارنا لقيت ماما لمتلي حوايجي في فاليز .

أنا ثم دمعة طاحتلي سخونة حرقتني .في هذيك الدقيقة تمنيت نخرج بالابيض من دارنا. بصح كل واحد واش كتبتلو يعيش في الدنيا .المهم راح نكون لعماد .حطتلي ماما تغديت وجدتلي الدوش .وقاتلي راني خارجة منطولش نرجع .كليت شوية ودوشت وليسيت شعري .حتى جات ماما .دخلت قاتلي وينو باباك قتلها والله ماعلبالي .قاتلي راني شريتلك حوايج تحتاجيهم .ملابس داخلية .ونويزات وبيجمات المهم ميش كلش بصح واش نحتاج .قعدت .توصي فيا طهلي في روحك .قلتلها متخفيش كي تتوحشوني نجيك نطل عليك هبطو دموعها وحضنتني مام أنابكيت.حتى جا بابا قالي نحي سنسلتك وخاتمك ومناڨشك .روحي لسي عماد يشريلك ويزينك ويلبسك .نشوفوه يكون راجل ولالا .وقالي على 8:30يجيو يدوك .والدار هذي أنسايها .هنا عرفت علاه ماما بكات كي قلتلها نجي نطل عليك .قعدت نستنا وماما تقلي كولي واش نطيبلك واش نجيبلك.وأنا نخمم غير وكتاه يوصل الوقت ونروح لعماد .تخمام الصغر يدي للهلاك……

وصل الوقت جا أب عماد وعمو .هدرو مع بابا قالولو واش هو شرط تاع بنتك قالهم راهي بنتكم درك ربي يسهل عليكم .وجا عندي حضني وبكاء .وقالي ربي يهنيك .قتلو أنا بابا سامحني .قالي روحي برك أدعي ربي يسامحك .هنا عرفت بلي بابا مهوش مسامحني

قالي هيا تبعيني سلمت على ماما وجيت خارجة حكمتني من يدي نحات مناڨشها من وذنيها وحطتهملي في يدي وقاتلي متهدريش قدام باباك .المهم خليتها كأنها جنازة في دارنا .لقيت اب عماد سلمت عليه وركبت في الطموبيل وأنا نشوف ورايا حتى بعدت على دارنا .كي وصلنا لقيت روحي واين بيت خالو لي رحت عندهم المرة الاولى ……..

وصلت لدار خالو استقبلتني مرت خالو وأولادها فرحانين بيا لقيتهم ناس مشاء الله .قعدت معايا قاتلي راح تقعدي عندي ليامات هذي حتى عماد يوجد روحو راهو حاب يدير العرس صحابو حابين يفرحو بيه قلتلها معليش جابتلي تلفون قاتلي بعثهولك عماد درك يعيطلك حكمتو وقعدت نخمم كيفاه راح نعيش زعما كيفاه راح تكون حياتي .جات مرت خالو قاتلي لازم نروحو لدار بيت عماد راهم مدايرين العشاء وعندهم فاميلتو كامل وحابين يشوفوك .قلتلها معليش .قاتلي ديري شوية مكياج .قلتلها معنديش وعمري ما استعملتو .جات بنت خالو أقل مني قاتلي ديري كحل ومسكرة وغوج في فمك وخلاص …قاتلي مرت خالو عندك واش تلبسي قندورة قلتلها لالا مدتلي قندورة تاعها لبستها كحلة ودرت مكياج خفيف لميت شعري على جوانب وخليتو مسيب .المهم صراحة أنا عجبتني روحي .معى شعري طويل جيت نهبل .خرجنا روحنا لدار عجوزتي كي وصلنا لقيت عماد في الباب فات عليا قالي نحبك .دخلت فاميلتو كامل يستناو فيا .سلمت عليا عجوزتي كانت باينة مهيش فرحانة تعرفت على فاميلتو كان عندو زوج خوتاتو بنات وخوه اخت لكبرة أكثر مني ب3سنين والطفلة والطفل صغار عليا .قعدة معاهم صهرنا هما يشطحو زاهيين حتى وصلت00:30

روحت مع مرت خالو وجدتلي بلاصتي مع أولادها بدلت حوايجي لبست بيجامة قعدة تفكرت التلفون رحت جبدتو من صاكي لقيت عماد عيط شحال من مرة .عاودتلو كوبا وعاودلي .قالي وينك مترديش .قتلو مسمعتوش .قالي معليش راكي لباس .ومن بعد قالي وين كنت مخبيا زينك ضحكت أنا زعما حشمت حكينا شوية ومن بعد قالي راني على 4تاع الصباح خدام قتلو معليش كوبينا .نرقد شوية ونفطن حتى طلع النهار نضت الصباح لقيت مرت خالو وجدت القهوة حليب قلتلها منيش قادرة نشرب .قاتلي أني راح ندير القاطو تعاونيني .قلتلها معليش نعاونك بدينا درت معاها. كملنا غسلنا لمينا الدار نضفناها قعدت عندها نهارين . عماد معيطليش كان مرة مرة يبعثلي ميساج فرات .نهار الاربعاء في الليل قالي غدوة تجي ماما تحنيلك قتلو أنا ميش لازم قالي هو نديرلك عرس كي كامل لبنات .قتلو معليش رقدنا الخميس الصباح نضت بكري .لقيت مرت خالو نايضة عاونتها في الشغل كملنا مع 10قلتلها حابة ندوش وجدتلي الدوش دوشت وخرجت قاتلي أو عيط عماد في تلفونك اني هزيت عليه قلتلها معليش .قاتلي عاوديلو .عيطلو .سلام لباس لباس قالي وجدي روحك نجي نديك لحفافة .قتلو أنا لالا ميش لازم الحفافة قالي لازم قتلو ميش لازم ..جات مرت خالو قلتلها منحبش نروح الحفافة .قاتلي عندي وحدة حبيبتي حفافة تجيني لدار قتلها براحتك جات عندي عدلتلي ومشطتلي .قاتلي شعرك طويل ياسر لازم نقصو فيه شوية قلتلها معليش بصح ميش ياسر .كملتي جيت شابة عروسة صغيرة ….

لبست لبسة تقليدية تاع الحنة جاو الطكسيات يصونيو حنولي فرحو معايا كامل وراحو حنولي على زوج مسايس كي راحو بدلت ودرت دوش خفيف وكملت معاهم الشغل وقعدنا نحكيو حتى صونا تلفوني عيطلي عماد .

الو حبيبي لباس قالي هو لباس حسيت كانو متقلق قتلو وش بيك قالي والو .حكينا شويا وكوبا .وأنا نخمم واش بيه في الليل وجدت مع مرت خالو لعشاء ونقصرو قاتلي تعرفي الطيبي قلتلها لالا نعرف ندير الميناج في الدار فرات قاتلي مزلتي صغيرة تتعلمي كملنا لعشاء وجدتلي الحنة وقاتلي لازم تحني وأنا كنت منحبهاش بصح قبلت نحني حنيت وكانت تضحك فيا ومن بعد قاتلي نوصيك على حاجة ومتزعفش مني راكي كي بنتي .بدات تحكيلي كيفاه نفوت مع راجلي الليلة الاول .المهم رقدنا صباح نوضتني بكري مع الفجر .نضت الأ ذان يأذن تفكرت صلاتي لي عندي أيمات مصليتهاش توضيت صليت ودعيت ربي .كملت قاتلي وجدي روحك نروحو نشوفو ليغوب .ونروحو الحمام أنا فرحت راح نلبس غوب بيضة .خرجنا خيرت غوب .وروحنا للحمام درت حمام لعروسة وخرجنا روحنا .كي وصلت عيط لعماد قالي راني رايح نجيب لا غوب ونجي نشوفك كي جا حلت عليه مرت خالو قاتلو انت صبرتي صبرتي زيد كمل اليوم ولاو يضحكو وقالها راني رايح وراح عيطت للحفافة جات مكيجتني ولبستلي جيت كيما الباربي .هههه راني غير نضحك معاكم ..

كملت بقيت نستنا .حتى قالولي أو جا الكورتاج أنا في الدقيقة هذيك تمنيت كون والديا واخوتي معايا بكيت ضاقت نفسي خرجني خالو ورحنا في الكورتاج البارود فرحانين صحاب عماد يشطحو أنا عماد مشفتوش على خاطر خرجو معايا زوج بنات مخرجش معايا هو في نص الطريق شفت واحد من خاوتي دموعي ولو يهبطو كيما لمطر ………

شفت واحد من خاوتي دموعي ولو يهبطو كيما لمطر .وصلنا لبيت شيخي دخلنا استقبلوني بالحليب والتمر .ودخلت .

المهم عندهم عرس عرس قعدت في بلاصتي حتى جا الليل تعشاو وكملو وأنا مكليت والو نهار كامل قعدت شوية جبتلي اختو التلفون قاتلي عماد يعيط قالي راني جاي نديك وجدي روحك أنا هنا خلاص فشلو رجليا معاتش نقدر نوقف احساس الفرحة والخوف تخلطو مع بعض نسمع فيهم يقولو أو جا لعريس أو جا لعريس وقفت من بلاصتي وبقيت نستنا

بقيت واقفة دخل عماد واش نحكيلكم الكوستيم جاه يهبل والبرنوس زاد فيه النص دخل سلم عليا لبسلي البرنوس تاعو وخرجنا روحنا عند بيت خالو اخرين دخلنا وصحابو يعيطو عليه ويضحكو دخلنا للدار دخلنا الشومبرة لقيتهم مفرشين في الارض زوج مطارح وعادلينهم وخلاص داخلنا جا عندي عماد حضني تحضينة حتى مقدرتش نتنفس ومن بعد باسني على راصي وقالي أنت تاعي وحدي أنا شميت فيه ريحة ميش نورمال ومن بعد كذبت نحا الفاست تاعو وقرب ليا قالي عمري توحشتك قداه عندي نستنا في هذا النهار جبدني عندو وبدا يبوس فيا من رقبتي ومن أنا خلاص بديت نذوب معرفتش واش نهدر ومن بعد طلع يبوس فيا حتى وصل لفمي أنا هنا عرفت بلي ريحة لي فيه ريحة شراب جبت عليه قتلو عماد متقليش راك شارب ضحك وقالي علاه معلبلكش أنا راني نشرب ونتكيف الزطلة وضحك أنا تشوكيت جمدت في بلاصتي قرب عندي ورجع يبوس فيا من فمي أنا راح نتقيا من الريحة لي فيه حبس قالي عفيتيني قتلو لالا بالصح مقدرتش نحمل الريحة لي فيك قالي أنا كيما هكا لازم تحمليني أنا غير نخزر فيه رجع يبوس فيا من رقبتي وجا من ورايا بدا يحل في لاغوب قتلو أنا حبيبي حنا لازم نصليو

قالي خلينا برك قتلو لازم قالي أنا منصليش حابة تصلي صلي وحدك قتلو هيا روح دوش وخلينا نصليو مع بعض قالي متقلقنيش ولا حتى انت منخليكش تصلي بدلت حوايجي توضيت صليت وهو طيش روح في البلاصة ويتكيف وأنا نصلي وندعي ياربي لي فيها خير ربي يجيبها ودموعي ويدان كملت وقف جا عندي حصرني مع الحيط وقالي ليوم نعذبك وضحك قالي متخفيش بالحنانة نعذبك .وبدا يبوس فيا من كل بلاصة من بعد حطني في البلاصة قرب ليا مقدرش أصلا هو كان سكران بسيف مايهدر ولا يضحك قالي مقدرتش لازم نفطن قالي ندير دوش وأنتي طيبيلي قهوة دخلت الكوزينة طيبتلو قهوة كمل الدوش شرب قهوة حضني رقدني على صدرو ويلعب بشعري يقلي راني نحبك ونموت عليك قتلو أنا حبيبي امنيتي نصلي وراك قالي الصلاة متهدريش عليها معى الوقت ساهل من بعد بدا يبوس فيا المهم بحنانتو نساني في كلشي وصرا لي صرا . .كملنا خلاص معاتش نقدر نوقف بسيف ماوقفت كي وقف دخت بسيف مافطنت حكمني نزيف ….

بسيف مافطنت حكمني نزيف داني لسبيطار شفتني الطبيبة هدرت معاه قاتلو الطفلة صغيرة ومكلاتش لازم تساعفها عيط لصاحبو جا دانا روحنا واحد ماسمع غير صاحبو روحنا قتلو ندير دوش بلاك نريح شوية دخلت لدوش دوشت بالماء بارد كملت نشفت شعري لبست نويزات لي شراتلي ماما وخرجت رحت عندو قالي ترقدي قتلو كيما تحب قالي كان عليا هذا وين بدات تحلالي أنا وجهي ولا أحمر قالي متخفيش منديرلك والو نحضنك ونبوسك برك جبدني عندو وبقينا نحكيو محسيتش بالوقت كيفاه فات صونا تلفوني عيطتلو أختو قاتلو علاه معيطلناش البارح قلتيلنا واش صرا قالها علبالك بخوك راجل كوبا قتلو عماد تهدر مع أختك هكا قالي عادي نورمال درك توالفي بينا قالي وجدي روحك اليوم الصباحة تاعك قتلو راني تعبانة ميش قادر حتى نقعد ضحك عليا وقالي عندك واش تلبسي قتلو عندي غير حوايج الدار قالي أني شريتلك حوايج درك نعيط يجبوهلك جابولي لبست قندورة بيضة وصباط ليسيت شعري مكياج خفيف كملت قالي عماد أمسحي فمك ولا تقعدي هنا معايا .بدينا نضحكو طبطب الباب جات اختو وبنات خلاتو وعماتو رحنا مع بعض عماد وصلني وقالي في وذني مطوليش عليا سمعاتو بنت خالتو قاتلو الليلة تبات معانا ضحك قالها ضرك خلاص معاتش نصبر

دخلت زغاريت فرحانين جات مرت خالو لي كنت قاعدة عندها .قاتلي صباح الخير اني جيت نصابح بنتي قاتلي أنا هي ماماك درك قعدت معاهم بدات السخانة تطلعلي مقدرتش نقعد ومكليت والو وصل لغداء تغدو الضياف قالولي درك تتغدي مع عماد روحو الضياف بقينا وحدنا رحت لشمبرتي دخلت لقيت زوج مطارح مفرشين وزربية وخزانة بدلت حوايجي حطيت حوايجي في الخزانة روح عماد قالولو تتغدى قالهم تغديت مع صحابي دخل للبيت باسني من رقبتي قالي حبي راكي سخونة مريضة قتلو لالا تعبانة برك كي مرقدتش قالي اني شريتلك شوية حوايج وشومبوا وريحة بديت نحط فيهم في بلاصتهم دخلت عجوزتي بلا ما طبطب الباب قاتلي مديلي نويزات تاعك لي فيها دم أنا دهشت قلتلها معليش قالها عماد علاه قاتلو لازم نعرف بلاك تكلحتي قالها عماد وكان أنا قابل بيها انتم واش دخلكم قاتلو انت أجري على روحك راهم عماوك بالسحور

قاتلو انت أجري على روحك راهم عماوك بالسحور جبدت النويزات مديتهالها خرجت وخبطت الباب جا عماد حضني قالي متزعفيش أمسحيها فيا قتلو عادي نورمال المهم راني معاك جبدني عندو وقالي مكيش جيعانة قتلو لالا شبعانة الحمد الله قالي أنا جيعان قتلو نروح نجيبلك حاجة تاكلها زيرني للحيط وقالي انا ناكلك انت قتلو حبيبي والله ماني قادرة مكملتش الهدرة حط فمو في فمو أنا خلاص استسلمت دخلت اختو قالها متعرفيش طبطبي قاتلو وأنت عمرك ماشفتي أصبر حتى يجي الليل قالها واش حابة قاتلو راهي تعيطلك ماما راح عندها وأنا بقيت نلم في حوايجي

نسمع في أمو تقلو متحللهاش عينها متخليهاش تركب عليك جاء عماد عندي قالي سمعتي ماما واش قاتلي قتلو سمعتها قالي مديريش على هدرتها انا راجلك ديري واش تحبي قفل الباب بالمفتاح وجا عندي بقينا معى بعض لعشية قالي نخرج نشرب قهوة ونجي واش نجيبلك قتلو والو أنا رحت عند عجوزتي للكوزينة قلتلها كشما نعاونك قاتلي او عماد راح يجيب لعشاء من برا قعدت معاهم روح عماد جاب معاه لعشاء وجدنا تعشينا مع بعضانا نضحكو لمينا الكوزينة غسلنا الماعن وكل واحد راح لبيتو ……….

رحت لبيتي بدلت حوايجي لبست شورط وبيستي دخل عماد قالي أووو عمري هكا منقدرش نصبر عليك وقرب عندي وهي دخلت عجوزتي …بيت شيخي مايعرفوش يطبطبو لباب ..

المهم دخلت انا جبت زاورة تغطيت بيها قالها عماد ماما واش بيك طبطبي الباب أو عيب زعفت وخرجت قتلو أنا علاه تهدر هك مع ماماك قالي وهي مدرتش حساب تلقاني عريان لبست بيجامة وقتلو خلي نروحو عند ماماك نشوفو واش حابة قالي هو واش هي الحاجة المهمة لي تحتاجها درك قتلو نوض برك روحنا عندها في بيتها طبطبت قاتلي شكون قلتها أنا نريمان قاتلي أدخلي دخلت لقيت شيخي وهي قلتلها زعفتي من عماد قاتلي عماد دقيقة تبدل عليا باينة كشما قلتيلو .ضحكت وجيت خارجة .قاتلي اسمع .لمسايس لي حنيتي عليهم أم تاع الناس ميش تاعك راني سلفتهم باه نحنيلك بيهم قدام لعباد فرات أنا خزرت في عماد هو هبط راسو ……

أنا خزرت في عماد هو هبط راسو كي شفتو هكاك غاضني قلتلها معليش دقيقة نجبهملك مام أنا منحبش الذهب

رحت لبيتي جبتهم مديتهملها ورجعت لبيتي

قعدتلي حرقة في قلبي جا عماد ورايا قالي راكي زعفانة قتلو لالا عادي نورمال المهم معاك بدلت حوايجي حكمت بلاصتي جا عماد عندي ورقدني على صدرو ويحكيلي على صغرو كيفاه فوتو حتى أنا رقدت نوضني قالي مترقديش وتخليني راني متوحشك بدا يبوس فيا من رقبتي قتلو حبيبي والله راني تعبانة معاتش نقدر قالي متخفيش معاتش نتوشيك حتى ترتاحي سهرنا شويا حضني ورقدنا

الصباح نضت دوشت دخلت للكوزينة لقيت عجوزتي توجد في القهوة قلتلها خلي أنا نوجد عليك .قاتلي لالا حنا عندنا لعروسة 7أيام متدخلش للكوزينة ومن بعد غير كوني فحلة برك قعدت معاها قاتلي نوضي راجلك يروح يخدم روحت لعماد قتلو نوض قالي خليني نرقد قتلو ماماك قاتلك نوض تخدم ناض قالق راح ليها قالها راني حاب نريح الأيمات هاذو قاتلو علاه تريح روح تخدم وأنت فرات تزوجتي رجع كمل رقادو حتى 12ناض قالي وجديلي قهوة قاتلو أمو وقت غداء درك ميش وقت قهوة أنا رحت لبيتي نضفتها وهويتها شوية. وقعدت وحدي تفكرت دارنا بكيت بحرقة توحشتهم وتوحشت بيتي كيفاه كنت عايشة كلشي توحشتو .

دخل عماد قالي وعلاه راح تبكي قتلو توحشت ماما

قالي ندمت كي تزوجتي بيا قتلو لالا راني فرحانة معاك قالي حتى شومبر كي الناس معندكش واش راح يفرحك معايا حطيت يدي على فمو قتلو اسكت الهدرة هذي معاتش تعودها أنا راني نحبك وقابلة نعيش معاك كيما انت عايش باسني من راصي قالي لهواء ميقسكش معايا قالي نخرج نشرب قهوة ونجي أنا رحت قعدت مع عجوزتي وسلفتي أنا دخلت هما سكتو محبوش يهدرو وناضو راحو للكوزينة قعدة شوية ولحقت عليهم عاودو ناضو كل وحدة راحت لبلاصة نضت دخلت لبيتي وقعدت دخل عماد قالي علاه راكي وحدك قتلو راني تعبانة برك قالي جبتلك حاجة تنحيلك التعب .

جبد من جيبو شوكولاطة مدهالي حضنتو وبستو ولا يضحك عليا قالي فرحتي بالشكولاطة كيما الاولاد صغار قتلو مام أنا صغيرة هزيتها ورحت عند عجوزتي قلتلها هاكي او جابهالي عماد ناكلوها مع بعضنا قاتلي هز عليا منكلش يجيب لمرتو ويخلي أمو الرخيس …….وبدات تسب فيه عماد كلمة مهدرهاش خرج مرجعش حتى رجع في الليل.

سكران بسيف مايمشي طبطب الباب رحت حليت عليه دارهم كامل رقدو دخلتو للبيت بسيف جبدني عندو قالي توحشتك ويخلط في الهدرة نحيتلو حوايجو رقد ميش فايق بوالو أنا ليلة كامل نخمم في حياتي كيفاه راح نكملها حتى طلع النهار نضت دوشت ودخلت الكوزينة لقيت عجوزتي قلتلها صباح الخير ماما قاتلي منيش أم حتى

واحد عندي ولادي يكفوني قاتلي اسمع الدوش تاع كل يوم مكانش عندنا معندناش الماء تدوشي مرة في السمانة سكت مهدرتش ناض عماد وجدتلو قهوة شرب قالي انت متفطريش قتلو لالا منحبش نشرب حليب سخون نحبو بارد ودرك منيش قادرة نشرب لميت لماعن راح نغسلهم قاتلي عجوزتي خلي نغسل وحدي سكت خليتها غسلتهم ورحت لبيتي لميتها وصبيت الماء صيقتها هويتها ورحت لدوش غسلتها ونضفتها وكملت الدنيا جات عجوزتي قاتلي بشوية على جفال أو ميشريش فيه راجلك أنا غير ساكتة وصل وقت لغداء ناضت سلفتي من النوم وجدنا الغداء أنا مقدرتش ناكل خليتهم تغداو ولميت الكوزينة ورحت لبيتي راح نرتاح شوية دخل عماد قالي عمري راكي رتحتي خلاص راني توحشتك ضحكت قتلو ايه حبيبي رتحت قرب عندي حضني قتلو عماد معليش نقعدو نحكيو شوية قبل قالي معليش خلي نسكر الباب بالمفتاح باه واحد مايقلقنا قتلو عماد حبيت نسقسيك انت تشرب قالي نشرب الشراب ونتكيف الزطلة قتلو تحكي صح قالي والله …..

قتلو تحكي صح قالي والله بصح الدواء خاطيني سكت شوية ومن بعد قتلو زعما تحبسهم في خاطري قالي ساعفني بشوية نوعدك نحبس ومن بعد قالي فرحيني جيبيلي طفل والله نحبس قتلو نشاء الله وقف قالي اليوم نجيبوه الطفل وقرب ليا بدا يبوس فيا ويقلي شواربك قتلتيني بيهم ….طبطب الباب عماد قالي افففففف وكتاه راح نقعد معاك أنا قتلو معليش أصبر برك عاود طبطب الباب عجوزتي تعيط قاتلي أم جاو ضياف أرواحي تقعدي معاهم قلتها راني جاية بدلت حوايجي ملقيتش قندورة نلبسها لي شرالي عماد تاع عرس لبست بيجامة وعدلت شعري درت ريحة وخرجت دخلت سلمت عليهم كانت مرت عمو وكناينها قعدنا شوية وقفت نوجد في قهوة جا عماد قالي نوجد معاك قتلو أوكي قعد معايا كل شوية يبوسني قالي اني مقدرتش نصبر وكتاه يروحو هاذم وهي دخلت عجوزتي قاتلو عماد روح سلم على مرت عمك قالها درك نجي وجدت قهوة ديتها ورحت قعدنا نقصرو وعماد معانا قاتلي مرت عمو كون جيتي لابسة قندورة تجيك تهبل قلتلها أنا يعيشك وسكت قالها عماد مرتي بوبية كلش يواتيها هدرت عجوزتي قلتلها أي جات عريانة كي البوهالية حتى قندورة كي النساء مجابتهاش خزرت في عماد

غمزلي تاع اسكتي برك قعدت أنا سقسوني واش نعرف نطيب قلتلهم منعرف نطيب والو قاتلي عجوزتي الزواج عرفتي تتزوجي والطياب متعرفيش قالها عماد تعرف طيب أي تبعد على روحها في العين وأنا راني راح نموت بقلبي وقفت نلم الطابلة قاتلي سلفتي أنا نلمها أقعدي مع لعباد طبطب الباب جاو ولاد عمامو قالهم عماد أصبرو دقيقة جا عندي قالي روحي لبيت رحت لبيتي لحق عليا قالي البسي حاجة قتلو معندي والو قالي البسي حجابك وخلاص لبست حجابي وخماري ورحت دخلت جاو ولاد عمامو سلمو عليا أنا معرفتش واش ندير سلمت عماد النار تخرج من عنيه .قعدنا قلتهم عجوزتي أقعدو تتعشو .كانو أيمات وراء العيد لكبير .قالولها ملا نديرو شواية نشويواللحم قالتلهم معليش .قالت لبنتها وجدي اللحم وخرجو للحوش كبير في دار شيخي وقعدو أنا رحت الكوزينة نغسل في لماعن جاء عماد جبدني حط يدو في رقبتي وحصرني للحيط .قتلو عماد معاتش نقدر نتنفس قالي تزيدي تسلمي على واحد نذبحك ….قعد يزير في يدو وعنيه يحمارو .حتى أنا وليت نشوف في روحي في عالم أخر سيبني فطنت لقيت روحي في بيتي وعماد يديرلي في الريحة كي فطنت وليت نبكي قالي خلاص سامحيني أني نغير عليك .بقيت نخزر فيه زعما هذا عماد لي نعرفو نضت غسلت وجهي وكملت لماعن جا عندي قالي ايا نخرجو للحوش بصح متهدريش حتى كلمة صوتك منسمعوش .قتلو ايه معليش خرجنا ويا ريتني مخرجتش ……..

خرجت معاهم قعدنا هما يحكيو .وأنا راني سارحة ونخمم في حياتي زعما كيفاه راح نعيشها زعمة راني نخلص في دعوة والديا مرت عم عماد ولات تكح قاتلي عجوزتي نوضي جيبي الماء ولا حتى تفكروك كيما لحمار وحدة من كناين عمو ضحكت رحت أنا جبتلها الماء حاكمة الدمعة بالسيف رجعت قعدت معاهم ولد عم عماد قالو غدوة راني رايح نسوق باه نجيب السلعة تروح معايا قالو عماد مزال خلي نزيد أيمات ونرجع نخدم قاتلو عجوزتي لالا روح تخدم ميش راح تقعد مقبلني هنا ياربي نقدر نحمل الهم لي جبتيلي أنا راني نغلي من لداخل قلبي راح يتفلڨ قالت مرت عمو خلي يقعد مع مرتو مزال عريس يكمل السمانة

ويرجع يخدم قالها عماد مرت عمي صح تخمم عليا ولاو يضحكو ضحكت حتى أنا قاتلي عجوزتي صحلك ربي وجهك وتضحكي يا عرت النساء قاتلي بصح مكيش متربية أنا خلاص معاتش نقدر نصبر قلتها الحمد الله ياربي أنا مقتانعة بتربيتي وميهمني حتى في واحد قاتلو عماد سمعتي مرتك هي مكملتش الهدرة عماد ضربني بكف طار الدم من فمي عودلي الثاني الثالث والرابع أنا جمدت في بلاصتي متحركتش المهم عشرة كفوف الخمار لي كنت لبساتو تنحا وليت كامل بالدم فمي خشمي حكمني من شعري ويكركر فيا جا ولد عمو قالو سيب الطفلة قالو هو نحي يدك قالو قتلك سيبها سيبني قالو خلاص معاتش نضربها نهدر معاه فرات دخلني لشمبرتي قفل الباب بالمفتاح زيرني مع الحيط بقا يخزر فيا قربلي حط شواربى في شورابي باسني قالي دمك عسل ومن بعد دزني طحت بدا يضرب فيا بديه ورجليه أنا حطيت يدي على فمي باه واحد ميسمعني على خاطر غضتني روحي قدام كناين عمو وهو يضرب يضرب أنا خلاص معاتش نقدر نتحمل وليت كامل زرقة وجهي كامل دم خرج وقفل الباب ورجع قعد معاهم كلي مصرا والو أنا قعدت مطايشة في الضلمة

مقدرتش نوقف كي جاو بيت عمر مروحين جات مرت عمو طبطب عليا نريمان وينك حنا مروحين أنا مقدرتش نجاوب حلت الباب دخلت شعلت الضوء بدات تعيط وتندب جاو يجريو قالهم عماد خلوها باه تتربا عجوزتي مهدرت والو كنة عمو قالتلهم لزملها سبطار الطفلة راهي راح تموت قالهم عماد متروحش لسبطار ولد عمو دزو

قالو بعد بعد قال لمرتو لبسيلها حاجة خلي ندوها لسبيطار جات تلبسلي مقدرتش كنت قاعدة غير نسمع فرات قالها غطيلها شعرها وخلي ندوها جات توقفني مقدرتش نوقف قالو ولد عمو هز مرتك قالو منزهاش جاء ولد عمو هزني وجا خارج قالو عماد تخرج من الباب معاتش تروح قالو ولد عمو كي تفطن وترتاح درك نديها لدارهم ونرجعها لماليها وخرج قال لمرتو هيا معايا داوني لسبيطار دخلوني حطوني فوق السرير جاتني الطبيبة بالصدفة كانت نفس الطبيبة لي شفتني نهار عرسي كي شفتني تخلعت قلتلهم وشبيها ولد عم عماد معرفش واش يقللها قالها طاحت قاتلو الطيحة تجي هكا قالتلهم أخرجو درتلي سيروم وأبرة وقاتلي قداه عمرك قلتلها 15سنة قاتلي شكون دارلك هكا أنا دموعي هبطو واش نقلها الراجل لي حبيتو سمحت في والديا على جالو دارلي هكا سكت فرات خرجت عيطت لشرطة…..

خرجت عيطت لشرطة وجات قالولي واش اسمك قلتلهم نريمان قاتلي الطبيبة أنت لي جيتي مع راجلك المرة لي فاتت قلتلها أنا هيا قاتلي والله معرفتك شكون الحيوان لي دارلك هكا قلتلها طحت عياو يسقسو فيا قلتلهم طحت كملت السيروم وجات الطبيبة قاتلي لازم تباتي عندنا الليلة لازم نديرولك راديو الصباح باه تخرجي ولد عم عماد ومرتو راحو جابولي زاورة ومخدة حوايج بدلت في الليل على الثلاثة نسمع في الحس في سبيطار هكا شويا ودخل عماد معاه بوليسي قالي هذا راجلك قتلو ايه قالي نخليه يدخلك ولالا نخرجو قتلو خليه خرج البوليسي عماد تلاح عليا يبوس ويحضن اسمحيلي ياعمري والله نحبك أو الشيطان غر بيا اسمحيلي وكي العادة كان سكران ريحتو تعيف أنا كي العادة قتلو السماح حضني قعد يبكي ايه يبكي كيما المرأة بالصوت قالي نروح نشوف الطبيبة ونجيك راح لطبيبة قالها نخرجها ونديها لطبيب بريفي نديرلها راديو جات الطبيبة عندي قاتلي تخرجي قلتلها معليش عطتني عنوان تاع طبيب قاتلي مليح روحي عندو كي جينا خارجين مدتلي رقم الهاتف تاعها قاتلي كشما يكون عيطيلي جاب عماد طوموبيل رجعنا لدار ….

رجعنا لدار دخلنا حل علينا بابا لي هو شيخي تعارك هو عماد قالو أخرج عليا معاتش نحتاجك وعلاه درتي لطفلة هكا عماد ساكت قاتلو عجوزتي لسانها لي وصلها قالها عيماد أنت سبتها انت لي ديما طيشيلها في الهدرة وقبيلا استفزتيني قدام ولاد عمي ومن القلقة شوفي واش درتلها ولات أمو تبكي قاتلو كبرتي وليتي ترجعلي الهدرة أنا الحق مغضتنيش رحت لبيتي هزيت حوايجي دخلت دوشت وبدلت رجعت للبيت لقيت عماد فرش لبلاصة قالي ارتاحي أنا نروح ندوش باه تتنحا مني

الريحة علبالي بلي متحملهاش أنا تكيت في بلاصتي ونتوجع حتى رقدت كي فطنت الصباح لقيت عماد بحذايا ويخزر فيا قالي راهي 9:30 قتلو راح الحال على الطبيب قالي معليش نروحو كان ملقيناش الدالة نخرجو نحوسو حتى توصل الدالة قتلو أنا بغيت نحوس وأنا فرحانة وجهي كيما تاع لعباد ميش نحوس وأنا نخوف واش راح يقولو الناس بديت

نبكي حضني ويسكت فيا ويقلي راني نحبك قالي اصبري دقيقة راح توضى وجاب المصحف حط عليه يدو وقالي والله والله والله معاتش نضربك ولا نطيحلك قدرك بصح كي تهدر معاك ماما معاتش تهدري معاها أنا ندبر راسي قتلو أنا منرجعش الهدرة هي لي زادت عليا قالي اسكت راني علبالي انت احقريها أمسحيها فيا قتلو نحبك ياعماد أنا راني معنديش غيرك في الدنيا هذي متسمحش فيا حضني وباسني من يدي قالي راكي موجوعة ولا راني عضيتك من هذوك الشوارب لي فيهم لعسل قالي وجدي روحك وهيا نروحو قالي نعيط لصاحبي عندو طوموبيل ونجي خرج لبست حوايجي ورحت الكوزينة نشرب ماء لقيت عجوزتي قلتلها صباح الخير ماما قاتلي صباح الخير خزرت فيا قاتلي وجهك كيفاه راح تخرجي بيه هكا عماد دخل قالي هيا هزيت ساكي وخرجت ركبنا في الطموبيل عماد ركب بحذايا وصاحبو يسوق طريق كامل يخزر فيا ومرة على مرة يبوسني على راسي حتى وصلنا دخلنا لطبيب قالي وشبيك قتلو طحت أكيد الطبيب مقبلنيش بصح مقال والو كملنا قالي مكانش كسر عطاني دواء بومادة تاع سيكاتريز روحنا لدار وصلنا مع دخلنا

عماد تلفونو صونا عيطولو ولاد عمو قالولو عندنا خدمة لازم تجي قالي حبيبي عيطولي أنا نروح نشوف واش كاين ونجيك بدلت حوايجي ورحت لعجوزتي قعدت معاه بسيف متهدر كلمة هكا شويا ودخل عماد قالي لميلي حوايجي أني عندي خدمة وراح نبات روحت للبيت لميتلو كابتو قالي نروح ندوش وجديلي نتغدا دخل لدوش وجدتلو الغداء تغدا لميت لماعن راح نغسلهم قالي خليهم لمبعد خلي نقعد معاك شوية لميتهم هوراح للبيت وأنا لحقت عليه عيطتلي عجوزتي قاتلي في داري لماعن

يتغسلو في وقتهم رحت غسلت لماعن عماد قعد معايا في الكوزينة صونا تليفون عيطولو قالي خلاص أني رايح طهلي في روحك ودرك نعيط عند بابا نسقسي عليك على خاطر أنا مكانش عندي تلفون باسني من راصي وسلم على ماماه وخرج ثلاث أيام لا خبر لاعيط لا سقسا يعيط عند بابا راني لباس ويكوبي أنا فاتو عليا 3سنين ميش 3أيام النهار الرابع عيط كان نهار السبوع تاعي عيط قال راني مروح قلت لعجوزتي حبيت نروح الحمام وللحفافة

قاتلي معليش نديك بصح انت تخلصي وحتا أنا نقص شعري قلتلها معليش أو خلالي عماد شوية دراهم هيا نروحو رحنا الحمام تلاقيت ماما فرحت فرحت عمري كي شفتها قعدت معاها شوية ومن بعد قاتلي أنا نخرج هنا ونجيك خلي حوايجي هنا حتى نجيك عيط لخويا جا داها أنا دخلت دوشت كملت خرجت وماما مزالت مجاتش نلبس في حوايجي بعقلي قلت بلاك تجي أنا كملت وهي دخلت جابتلي معاه حوايج شرتلي كلش جديد وجبتلي حوايجي تاع الذهب لي نحهملي بابا قاتلي أو بعثهملك باباك وكي جيت خارجة مدتلي دراهم في يدي وقاتلي اني محبيتش نسقسيك وشبيه وجهك بصح طهلي في روحك روحت للحفافة درت ليماش وقصيت شعري ديڤرادي وروحت فرحانة ……

لعشية قاتلي عجوزتي واش راح نديرو عشاء لعماد ارواحي نعتلك ديري لعشاء لراجلك قلتلها سلفتي خلي الطفلة تقعد اليوم مروح رجلها بغتيها تدخل الكوزينة سلفتي منحكيش عليها ياسر على خاطر ساكنة عند بيت جدها ومتروحش لدارهم ياسر المهم قاتلي عجوزتي حتا أنا غلبانة منيش قادرة نطيب قلتلها كان تحبي نمد لبابا يجيبلنا لعشاء من برا وديسار نديرو سلاطة وخلاص قاتلي هي المرأة الفحلة طيب وحدها لرجلها تبينلو شطرتها أنا محبيتش نفزد النهار بوستها قلتلها خلاص ماما نوعدك من غدوة نبدا نتعلم قاتلي الله يسهل عليك أنا منعلمكش تعلمي وحدك قاتلي سلفتي أعطيني درك نخرج أنا نجيب لعشاء ونجي .مديتلها الدراهم وراحت أنا خبيت الدراهم لي بقاولي ورحت لميت بيتي ريحتها نضفتها ودخلت درت دوش خفيف بلا منغسل شعري لبست قندورة صفرة جبتهالي ماما ولميت شعري الفوق وخرجت لقيت سلفتي جات وجدنا الطابلة أنا وهي قاتلي أنت متعشيش معانا أقعدي أستناي عماد حتى يروح تعشو مع بعضاكم قلتلها أنا عيب خلي برك قاتلي هي خلي أنا ندبر راسي جاو تعشاو قاتلي عجوزتي أنت متتعشيش قالتلها سلفتي كولي خليك منها أله لا كلات وغمزتني سلفتي كانت مليحة معايا بصح سعات أمها تحرشها تتبدل عليا وصلت 12تاع الليل جات عندي سلفتي قاتلي أو عيط عماد أو قريب يوصل نوضي وجدي روحك .وأنا درك نوجدلك العشاء بوستها وجتني الدمعة حسيتها كيما أختي بدلت حوايجي لبست كلش أكحل غوب كحلة لقيتها مع لحوايج لي جبتلي ماما جاية قصيرة شوية ومعاها كلاكات كحلة درت رسيل وغوجلافغ أحمر جات سلفتي قاتلي أني وجدتلك الطابلة ومن بعد قاتلي أتي نعاودلك شعرك بالخف عاودتهولي المهم جيت نهبل راحت سلفتي رقدت شوية هكا طبطب الباب رحت حليت لقيتو عماد تلحت عليه حضنتو حضني قالي توحشتك قلبي دخلنا الشومبرة قتلو نوجدلك تدوش قالي لا دوشت وحففت وجيت قالي نتعشا راني جيعان بصح خلي نشبع منك شوية قتلو خلينا نتعشو ومن بعد أشبع مني قالي واش راح يشبعني راني حاس روحي اليوم راني عريس قالي تهبلي اليوم وشعرك جاك يهبل روحنا للكوزينة لقيت عجوزتي ثما جتني الضحكة سلم عليها عماد ويبوس فيها قالها ماما توحشتك قاتلو كون توحشتيني راك جيتي عندي أنا اللولة قالها سامحيني معاتش نعاود قاتلو كنت نستنا فيك باه نتعشا معاك قبيلا مقدرتش ناكل المهم قعدنا تعشينا لميت الطابلة راح نغسل لماعن جات سلفتي قاتلي أنا نغسلهم منيش راح نرقد قالي عماد أنا تاعب حاب نرقد روحي وجديلي حوايجي نبدل رحت للبيت لحق عليا قتلو اني وجدتلك حوايج قالي ونا حوايج تهدري عليهم الليلة منحتاجش لحوايج قتلو خلي أنا ندبل قالي لالا أني ميش قادر نصبر عليك أكثر حضني بدا يبوس فيا من رقبتي فمي صدري رقدني نحالي لاغوب وبقا يبوس فيا جيت نحيلو تركوه لقيت ذراعو كامل بالوشام تخلعت قتلو عماد واش درتي في ذراعك قفلي فمي قالي ربي يعيشك ميش ضرك خليني راني متوحشك ومن بعد نفهمك سكت كملنا المهم فاتت أحلى ليلة في عمري ……..

نضت الصباح بكري لقيتهم راقدين دوشت روحت للكوزينة وجدت قهوة ونوضت عماد حبيبي نوض خليني عمري نزيد شوية نوض عمري توحشتك قالي أرواحي أرقدي عندي عماد نوض بلا سماطة حبيبي نلعبلو بشعرو حتى ناض قالي اعطيني فطوري قتلو في الكوزينة واجد قالي لالا فطوري عسل من فمك مديتلو بوسة وعضيتو قالي ماكش حبتني نوض قتلو خلاص نوض قالي وجديلي ندوش وألبسي حوايجك نخرجو وجدتلو الدوش ناضت عجوزتي قلتلها ماما راني خارجة مع عماد قاتلي أصبر نلبس نخرج معاكم ايا كل وحدة راحت لبست رحت لسلفتي قلتلها تخرجي معانا قاتلي أخرجي مع راجلك وحدك وأنا واش راح ندير معاكم قلتلها هيا برك قاتلي لالا خلي نحكم خاوتي الصغار روحو برك خرجنا حوسنا تغدينا وضحكنا عجوزتي مقالت والو لقات نساء كبار قعدت معاهم وحنا حوسنا صقسيتو على لوشام قالي كتبت أسمك على خاطر راني نحبك وراكي تمشيلي في الدم نعتلي ذراعو مزال أحمر قتلو راهو حرام عليك قالي خلينا برك متسمطيهاش كملنا نهار يهبل زدنا تعشينا باه روحنا وكي روحنا بدات المشاكل روحنا لدار دخلنا بدلت حوايجي جاتني سلفتي قاتلي حوستي مليح مقلقتكش ماما قلتلها لا والله ماقلقتني فوتنا نهار يهبل دخلت عجوزتي قالتلنا راكم تهدرو فيا قلنالها لالا مهدرناش عليك قاتلي اليوم دتيني معاك طيشتوني مع النساء وخليتوني أني علبالي بيهم خدايمك أنت تحرشي في عماد قلتلها ماما علاه نحرش عماد ياك مهما قوليلي ديما نسكت ومنهدرش قاتلي عقوليتك هذي ميش من ربي باينة كاينة حاجة معولة عليها كشما درتي لولدي عمتيه راهو كيما الساعة في يدك جا عماد قالها بديتو ثاني قاتلو أمو ما نهنا ما يجيني نوم حتى نرقيلك قالها عماد خلاص غدوة نروح أنا وأنت للمرقي أسيدي المهم أرضي علينا سكتها راحت بدلت حوايجي وطيبنا تاي وتلمينا نقصرو قالت سلفتي أنا حابة نشري حوايج نقرا فيهم معنديش واش نلبس قلتلها أمها ترباتك في الجامعة وأنت حوسي على لحوايج حقرتها وقاتلي تمديلي حوايجك لي جبتيهم من داركم نلبس معاك أمرت خويا قلتلها أنا شوفي لي تعجبك ألبسيها قلتلها أمها لبنات يشروجديد وأنت ألبسي تاع الناس جبد عماد الدراهم من جيبو قالها غدوة كي تروحي من لقراية أخرجو أشري أنت ونرمان وماما مدلنا كامل دراهم لي خدم بيهم مدهملنا قاتلو أمو عمري لاشفت العروسة في عامها تبدا تشري في الحوايج سكتت ومن بعد قاتلو بصح الناس تجيب عرايس أنا جبت الهم لعمري كون جبت كنة تاع الملاهي خير …

كون جبت كنة تاع الملاهي خير قاتلي مزلتي قاعدة نوضي من قدامي متحملش حتى نشوفك نضت رحت لبيتي كي العادة نعرف غير نبكي عماد مهدر والو جا عندي قالي سامحيني أمسحيها فيا أي كبيرة متعنديهاش أحسبيها كيما ماماك قالي أمسحي دموعك وروحي أطلب منها السماح قتلو علاه نطلب السماح قالي معليش في وجهي روحت كي الكلبة بستها وطلبت السماح قاتلي أنا لالاك تروحي تروحي وترجعي تركعي تبوسي رجلي ومنسمحكش خزرت في عماد هبط راسو وقفت قاتلي لمي لماعن اغسليهم واش راكي ديري رحت غسلت لماعن ولميت الكوزينة هوما قعدو مقصرين يضحكو رحت بدلت وحكمت بلاصتي نستنا في عماد طول رحت عندو قتلو عماد مزلتي مطول قاتلي عجوزتي توحشت ولدي راح يرقد عندي روحي ترقدي روحت لبيتي نستنا فيه حتى رقدت وحدي كي الكلبة فطنت الصباح كي العادة دخلت الكوزينة وجدت قهوة ناضو فطرو لميت لماعن غسلتهم زعما مشنفا على عماد مانهدرش معاه عيطلي رحت عندو قالي وشبيك محبيتش نهدر ضرب يدو في الحيط قالي كي نهدر منعودش قتلو البارح خلتيني وحدي قالي مكان مدخلك نبات وين نحب قتلو براحتك قالي متقلقنيش أحبي باه منقلقش عليك سكت رحت سيقت وحطيت القش راح نغسلو قاتلي عجوزتي لي يغسل يغسل كلش قلتها معليش كنت حاسبة روحي راح نغسل في المشينة قاتلي المشينة ياسر عليها راحت بدلت ليكوفر الردوات المخايد القش من العرس وهو محطوت من 10تاع الصباح وأنا نغسل حتى 3باه كملت دخلت راح ندوش قاتلي الماء مكانش والعين مزات طول باه تجي وليت دخلت مسح ت بلنجات وبدلت حتى لغداء متغديتش تكيت شوية رقدة روح عماد لقاني راقدة وعجوزتي دير في العشاء قاتلو مرتك جبتيها تاكل وترقد تحساب فيا خدامة عندها جا عماد دز الباب جبدني من شعري وقفني قالي واش يما تخدم عليك وأنت راقدة قتلو والله غلبت كنت نغسل في القش قاتلي ياخي زوج قشيوشات تاعك وتاع راجلك هذوكا تهدري عليهم قلتها أني غسلت القش كامل حرام عليك بدات تعيط كذبيني خير كذبيني قلتها مقتلكش تكذبي بصح أهدري الحق قالت لعماد أنت مكش راجل مرتك قاتلي تكذبي قدامك وأنت ساكت وبدات تندب وتعيط ضربني عماد بكف قتلو عماد هذي هي الحفلة تاع المصحف قاتلي عجوزتي الرخيس وليتي تحلفي فيه على المصحف وتسب بدا عماد يضرب فيا نحا السبتة من سروالو وبدا يضرب فيا الضربة اللخرة في عيني تنفخت تنفخت ومن بعد تفلقت بالدم أنا كنت نبكي بعقلي وليت نعيط بالصوت وعجوزتي تقلي أسكتي فضحتينا فضحتينا عماد حضني ويقلي اسمحيلي دزيتو قتلو بعد عليا متمسنيش ونمسح في عيني راح جابلي دواء ومسحلي عيني روح شيخي معلبليش واش قاتلو عجوزتي محوسش أصلا عليا راحو تعشاو عماد قاعد معايا في البيت يحلل فيا أنا محبيتش نهدر غير نبكي دزني وسبني وقالي أندبي على روحك وخرج مروحش كي العادة روح سكران…

روح سكران طبطب الباب سمعتو محبيتش نحل عليه كنت نتوجع عيني راح تخرج من بلاصتها ناض باباه حل عليه الباب دخل قالي مزلتي تندبي على ربي ميش راح تسكتي ومن بعد قالي فهميني وعلاه راكي تبكي قتلو نبكي من السعادة لي راني عايشة فيها قالي لسانك أو طوال درك نقصهولك حڨرتو مزدتش هدرت قالي اني حاب نرقد أهدري قتلو أرقد شكون حاكمك قالي وأنت قتلو منيش راح نرقد راني موجوعة قالي نورمال لازم تكوني فحلة وتوالفي قتلو علاه راح نفوت عمري كامل هكا ضحك وقالي يبقا السؤال مطروح وبقا يضحك قتلو أنا والله معرفتك كيما هكا قالي واش عرفتيني واش عرفتيني قتلو راك تضلم فيا وأنت علبالك بلي أمك راهي ضالمتني قالي علابالي بصح راهي ماما حبتيني نضربها بلاك قتلو لالا بصح متبعاهاش وتضربني أنا قالي ياك قتلك اسمحيلي وأنت محبتيش قتلو راك حلفتيلي على المصحف مخممتيش فيا خمم في ربي قالي أيا خلي من الهدرة تاعك قالي أراحي لبلاصتك وعلاه قاعدة في الارض قتلو خليني منيش قادرة نوقف قالي ارواحي منعودش الهدرة راني متوحشك حقرتو ناض جبدني من شعري قالي كي نقول توقيفي توقفي وقفني داني لبلاصتي ورقد حضني محبيتش نخليه قالي أنا مرتي نضربك ونحضنك واحد لا يسالني حضني وغمض عنيه كل مانتحرك باه نحيلو يدو يزير عليا نضنا الصباح عيني لباس مزراڨتش بصح فيها جرح والداخل حمراء كي شفتها في المراية وليت نبكي ناض عماد قالي اسمحيلي وحضني قالي روحي البسي حوايجك نديك لطبيب ونروحو لولاية أخرى نحوسو شوية رحت لدوش غسلت لحقني قالي ردي بالك متهدريش مع ماما روحي أهدري معاها كانو مكان والو رحت الكوزينة قلتلها ماما صباح الخير مرجعتليش قاتلي وجديلي قهوة قلتها معليش جاء عماد قالي هيا راح الحال قتلو ندير لماماك قهوة ونروحو قالي صحيت مرتي الفحلة ضحكت عجوزتي وقاتلو باينة فحلة قالها ماما متبدناش على الصباح قاتلو وين رايحين على خير قالها راح نديها لطبيب قاتلو نروح معاك نشرو حوايج كيما قلتيلنا هذاك النهار قالها راني رايحة لولاية أخر ميش راح نحوس هنا قاتلو معليش نروح معاك قالها خلي نديها لطبيب ونرجعلك وجدتلها قهوة ورحت لبست وخرجنا قالي هزي ساكك قتلو ياخي راح نرجعو ونهزو قالي منيش راح نرجع نكذب عليها قتلو أنا مالا منروحش راني كرهت من المشاكل راح عندها قالها ماما قاتلو واش قالها متستننيش أني منرجعلكش قاتلو حرشاتك مرتك قالها راني رايح نبات منيش مروح قاتلو لالا نروح بصح متبتوش قالها أو صاحبي مدلي المفتاح تاع الدار تاعو راح نبات قاتلو ملا نروح عيطت لشيخي قالها متروحيش زعفت قالي عماد لمي حوايجك قتلو صح راح نباتو قالي راح نقعدو أيمات قتلو عندك دراهم قالي عندي عند ولد عمي نروح نجيبهم ونجي وأنت لمي حوايجك وجدت روحي هزيت الدراهم لي بقاولي تاع ماما كانت بقتلي مليون وستمئة خرجنا لقيت ولد عمو يستنا فيه بالطوموبيل باه يوصلنا في الطريق هدر معاه وقالو طهلى في مرتك راهي خرجت معاك فحلة وخلات دارهم على جالك كون راجل وطهلى فيها يقصرو ويضحكو حتى وصلنا وأنا طريق كامل نطقيا وعماد يقلي ولدي راهو جاي قالو ولد عمو في سمانة تتمسخر ولاو يضحكو وصلنا .كرينا دار خلص سمانة أنا قتلو ياسر عليك قالي أو نعرفو السيد ساعدني شوية دخلنا الدار فيها كلش الله يبارك تمنيتها تكون داري دخلت ريحت شوية قلت لعماد راح ندوش قالي معليش وجدي حوايجك وأنا نشعل ڨارو ونجيك وجدت حوايجي دخلت لدوش لقيت عماد قتلو واش دير قالي راح ندوش مرتي أنا حمارو خدودي قرب عندي يبوس فيا وينحيلي في حوايجي ويبوس ويعض ويحضن وحل عليا الماء عض شواربو قالي آآآه واش ناكل واش نخلي يبوس فيا من فمي رقبتي عضني ومن بعد قالي أصبري ندوش حبي ومن بعد نكمل…

أصبري ندوش حبي ومن بعد نكمل دوشني غسلي شعري كملي لبسلي حوايجي وقالي أقعد هنا أنا ندوش وأنت شوفي فيا كمل هزني وداني لشمبرة كانت نضيفة تهبل وكلش فيها حطني فوق السرير وكمل لي بقا قرب عندي حط راسو على صدري قالي أني والله نحبك قتلو مام أنا نعشق فيك بصح وعلاه تعملني هكاك قدام داركم قالي راهي ماما الله غالب قتلو علبالي ماماك بصح حتى أنا مرتك معاتش تضربني قالي خلاص معاتش نضربك هيا نوضي بدلي حوايجك خلي نخرجو نتغداو قتلو أنا أديني نشري شوية حوايج قالي حبيبي الدراهم لي عندي ميكفنيش مصروف السمانة ونشريك حوايج قتلو لالا راني عندي نسيت مقتلكش بلي راني لقيت ماما قالي خبر يفرح علاه مقلتليش قتلو علاه قعدتي معايا وحكيتي معايا باه نقلك أيا لبست خرجنا تغدينا حوسنا شريت واش نحتاج كامل حوايج شامبو ريحة شوية مكياج وروحنا ريحنا شويا قالي أيا نخرجو نتعشاو خرجنا تلاقينا وحدين ثم كاريين عندهم أولاد صغار ولا عماد يلعب مع الطفل الصغير وقالي تجيبيلي واحد كيما هذا تعرف عماد على هذاك الراجل وأنا تعرفت على مرتو حكيت معاها تعرفنا الغدوة الصباح عماد خرج يجيب لفطور أنا جات عندي هذيك لمراءة قلتلها منعرفش نطيب قاتلي أنا نعلمك ولينا قضينا وقعدت سمانة كامل الصباح تعلمني ولعشية نخرجو نحوسو حتى خلاصت السمانة رجعنا روحنا ……

روحنا لدار لقيت شيخي وحدو قالي عجوزتك راحت لدارهم قعد أنا وعماد وبابا وحدنا وليت نطيب تعلمت بشوية قعدت عجوزتي عند أهلها 15يوم قعدت وحدي نخدم شغلي نطيب نضف الدنيا عماد حطني في عنيه نهار لي راح تروح عجوزتي طيبت وجدت لعشاء روحت قاتلي لقيتي راحتك وحدك وليتي تتصرفي في داري سكت قالها عماد ماما توحشناك متسمطهاش تعشاو عماد وبابا يشكرو فيا وهي راح تموت ومن بعد قالي شيخي راكم معروضين غدوة عند بيت خويا وجدو روحكم يديكم عماد صباح أنا فرحت راح نعرف ناس جدد لميت الكوزينة غسلت لماعن روحت لبيتي سهرت شوية مع عماد نتفرجو في فيلم ورقدنا الصباح نضت بكري دوشت شيحت شعري وجدت لفطور ورحت نوجد في روحي لبست قندورة زرقة تهبل درت مكياج خفيف ولبست كلاكات كحلة ولبست حوايجي تاع الذهب رحت لعجوزتي قلتلها نلبس حجابي ولا مزال قاتلي نوضي راجلك ومن بعد خزرت فيا من الفوق للتحت وقاتلي بعدي درك أنا نوضو دخلت عندو نوضاتو قاتلو وليتي راجل وعندك دراهم وتشري لمرتك في الذهب وأنا أمك عمرك مشرتيلي حاجة …

تشري لمرتك في الذهب وأنا أمك عمرك مشرتيلي حاجة قالها عماد وكتاه شرتلها أي جبتهملها أمها كي لقيتها في الحمام سكتت قاتلي شرتهملك ولا من قبل عندك قلتلها من قبل عندي قاتلي شكون شرهملك قلتلها كل واحد من خاوتي دارلي حاجة قالت لعماد شفتي الرجال واش دير قالها عماد خوتها خدامة عند الدولة عندهم وأنا واش عندي قاتلو ربي يسهل عليك تشري لأختك مناقش دبر راسك قالها عماد ربي يسهل نشريلها ناض عماد لبسنا كي راح نخرجو قاتلي والجلابة ثاني جبتهالك أمك قلتلها لا شريتها كي رحت مع عماد حوسنا وسكت خزرت في عماد قالها شرتها بصوردها والله مشرتلها حاجة من عندي غير الماكلة وخرجنا رحنا وصلنا فرحو بينا تغدينا ضحكنا المهم نحيت الغمة وزدت فرحت كي رحت لابسة وعادلةفي وسطهم باه معاتش يضحكو عليا لعشية جا عماد يدينا قاتلو مرت عمو خلي يتعشو ويروحو قعدنا كملنا القصرة قالولي كي كنت تقري قداه تجيبي معدل قالهم عماد 16تجيب خزرو في بعضاهم قالهم عماد والله كانت قراية قالولي أرجعي تقراي قلتلهم نشاء الله قالتلهم عجوزتي هذاك مخصها تلها بدارها هذيك هي الفايدة كي حبت تقرا علاه مقراتش في دارهم كملنا تعشينا روحنا لدار مع دخلنا تبدا المشاكل قالت لعماد أنت قبيلا تهدر وتخزر في مرتك عمرك ماشفتيها كون غير جات تشبه للعباد قالها عماد شفتي أماما مرتي متشبهش للعباد مرتي ملاك عجوزتي راح تموت قاتلو أنت مبقاتش فيك ريحة الرجولية ضحك عماد وباسها قالها أني معاتش نقلق روحي وأنت ربي يهديك دخلنا للبيت بدلنا وقعدت أنا عماد نقصرو قالي والله معاتش نضربك ولا نقلقك وحضني على صدرو قتلو عماد توحشت دارنا قالي أصبري ياعمري تتريڨل الأحوال ونديك عندهم بلاك يحنو قلوبهم قتلو أشريلي تلفون نعيط حتى لماما قالي التلفون معاتش تهدري عليه كي تحبي تعيطي أنا نمدلك قالي نمدلك تعيطي لماماك قتلو منيش حافضة النيمرو قالي أو مزال عندي جربي عيط هزت عليا ماما قلتلها ماما توحشتك كوبات عاودتلها قاتلي خاوتك هنا منقدرش نهدر معاك غدوة صباح وعيطيلي وكوبات بكيت شبعت بكاء وندمت على غلطي بصح مكنتش نبين لعماد على خاطر نحبو رقدنا لصباح عيط لماما هدرت معاها قاتلي باباك قالي أهدري معاها بصح خاوتك معلبلهمش هدرنا شوية وقاتلي معاتش تعيطي حتى أنا نعيطلك فوت 3شهر عماد مطهلي وكل شهر يقلي قريب يجي ولدي وعجوزتي كيما العادة كل يوم سبة وأنا ولفت معاتش نحوس عليها المهم عماد مطهلي فيا ماما كانت مرة تعيط ومرة تغيب المهم نهار 5جانفي 2015…….

نهار 5جانفي نضت الصباح قلت لعماد حبيبي نوض روح جيبلي تاست قالي واش هوتاست ضحكت قتلو روح لافارماسي قولو درك يمدلك راح جابلي وجاء قالي واش ديري بيه قتلو نحتاجو ياعمري هو ميعرفش في أمور النساء شرب قهوتو وراح يخدم وأنا كملت شغلي ومن بعد رحت درت التاست خرجولي زوج خطوط مصدقتش قلت زعما في عمري 15سنة نقدر نجيب لولاد نورمال فرحت شوية وتصدمت شوية قعدت في بيتي وحدي كي المهبولة نخزر في الحيوط حتى روح عماد وجدتلو بدل ودوش وحطيتلو شرب حليب وقالي نخرج شوية مع صحابي ونجي واش نجيبلك قتلو والو قالي نجيبلك شبس ولا شوكولاطة قتلو والو قالي واش بيك كشما قاتلك ماما قتلو ماماك ولفت بيها قالي مالا واش بيك قتلو مكان والو توحشتك برك قالي شوية برك ونجيك منطولش عليك خرج أنا دخلت وجدت العشاء روح عماد جابلي معاه شيبس وجاب لماماه وأخوتو تاني وحدهم تعشينا لميت الكوزينة وقعدت وحدي في الكوزينة هما يتفرجو في الصالة في بوليود عيطلي عماد قالي ارواحي تتفرجي قتلو خلي نروح نهبط لخزانة نطبڨ القش خير كي راني قاعدة قعد شوية مع دارهم وجا عندي قالي عمري وشبيه حزين قتلو والله معلبالي واش نقلك قالي قولي برك جبدت التاست مديتهولو قالي واش هذا قتلو شوف أنت قعد يخمم ومن بعد قالي متقلليش هذا لي يشوفو بيه الحمل قتلو ايه هو قالي معناها ولدي راهو في الطريق قتلو أنا نشاء الله ناض حضني ويبكي قتلو أنت درك نسكت ولدك ولا أنت ناض يضحك قالي شوفي لازم تجيبي طفل نسميوه إياد قتلو لي تجي من عند ربي محلاها قالي قلت طفل معناها طفل قتلو أوك نشاء الله رقدنا ليلة كاملة يدو في كرشي الصباح مع ناض راح لأ مو قالها ماما راح تولي جدة قاتلو بعيد الشر عليا قالها ماما راني فرحان غير أسكتي جات عندي قاتلي درتها أبنت الكلب أنا قعدت نخزر فيها دارت لعماد قاتلو راهي طربط فيك بالاولاد وأنت مزلتي صغير على الاولاد قالها معليش درك يكبرو معايا قالي ألبسي نروحو لطبيب قاتلو عجوزتي بكري منرحوش لطبيب قالها هو بكري أماما ميش درك روحنا لطبيب تأكدنا من الحمل وقاتلي طهلي في روحك راكي صغيرة روحنا عماد فرحان قالي متوقفيش خلاص منحبكش تتعبيلي ولدي قعد معايا نهار كامل في الليل عيطولو على خدمة تاع شهر وهو كان كل مرة واش يخدم فوتنا الليلة مع بعضانا الصباح راح للخدمة فوت الشهر اللول مع الخدمة تاع الدار كلش عليا عجوزتي معاتش تقعد في الدار تنوض الصباح تروح تحوس كل مرة في بلاصة حتى روح عماد لقاني في حالة مع وصل في الليل هبطني ديراكت لسبيطار دارولي ليزاناليز قالولو وين كانت عايشة الطفلة هذي أو مبقاش فيها الدم دخلوني لسبيطار غير عماد يجي يطل عليا حتى أهلي مجاوش حتى ماما تعيطلي تسقسي بصح مخلوهاش تجي قعدت 3أيام في سبيطار النهار الثالث جات عندي الفرملية جبتلي كلش. حليب ياغورت لحم كبدة ديسار لي تتباع البرة كامل جبتهم وجبتلي 3ملاين قاتلي أو جابهم واحد الراجل وصلهم هنا مدهملي وراح ماقالي والو غير على اسمك انت هكا شوية دخل عماد قالي واشي هذا كامل شكون جاء عندك قتلو معلبليش واحد مدهم الفرملية وراح قالي عماد نقلك بصح متتقلقيش قتلو قول قالي اني كي جيت عندك شفت باباك وخوك لكبير خارجين من سبيطار أكيد هما أنا دموعي هبطو فرحت بابا مزال يخمم فيا قالي عماد خلاص امسحي دموعك خلي نروحو لدار اليوم نخرجك روحت لدار دخل عماد لحوايج قاتلو أمو واشي كون جبتي الحانوت خير .قالها هو أسكتي منيش أنا جابهملها دارهم قاتلو هي علاه يجبولها حنا منوكلوش فيها قالها أماما ربي يعيشك راكي كرهتيني أسكتي شوية قاتلو درك راهم يهدرو فيك يقولو ميش راجل ويستنا فينا باه نوكلو بنتنا المهم قعدت تعاير فيه أنا دخلت لبيتي وخليتها كرهت منها بدلت ورحت لدوش دوشت وحطيت حوايجي غسلتهم ورجعت لبيتي رقدت وعماد قاعد يتكيف ڨارو وراء ڨارو قتلو عماد وشبيك قالي أسكتي متهدريش راني قالق أسكتي خير رحت عندو حضنتو حبيبي راني نحبك علاه قالق قالي راني تعبت من المشاكل وكرهت قتلو حبي أصبر تفرج نشاء الله قعدنا يمات حبس عماد الخدمة مع ولاد عمو وملڨاش خدمة هنا تبدلت حياتي 180درجة …..

حبس عماد الخدمة ولا يخمم وكثرت المشاكل عجوزتي حاجة نديرها تقلي مجبهاش راجلك وعماد نهار كامل في الدار وأنا فوتها نهار ناكل وعشرة نقعد بالشر على خاطر عجوزتي طيش الهدرة نولي منكلش كنت نهدر مع ماما وليت نروح نتلاقا معاها في الحمام كانت دايما كي تجي للحمام طيبلي كل مرة حاجة وتجبلي دراهم تقلي كشما تحتاجي أشري أنا كنت نخبيهم غير مصروف عماد ودخانو فاتو ربع شهر هكا واحد نهار كنت نسيق زلقت طحت جاء عماد يجري هزني داني لبلاسطي ريحت شوية ونضت أنا وقفت وحسيت حاجة هبطت جيت نشوف لقيت الدم ناض عماد داني لسبيطار قالولي لازمك جينيكولوج .رجعنا لدار عماد معندوش دراهم قال لماماه أماما سلفيلي دراهم قاتلو معنديش وحتى كان عندي منمدش روح تخدم قالها مديلي وضرك نخدم نرجعلك .قاتلو معنديش نشوف في عماد مهموم وملقاش حل .نحيت خاتمي من قتلو هاك روح بيعو ونروح لطبيب قالي لالا متبعيش حوايجك قتلو اني قتلك روح قالي خاتم تاع داركم منبعوش هاتي الخاتم لي شريتلك في العقد نبيعو وكي ينوب ربي نرجعهولك قتلو لالا منحبش نبيع الخاتم هذاك عزيز عليا حكم الخاتم باعو جابلو 2ملاين جابهملي قالي غدوة الصباح نديك حكمتهم مديتلو مليون قتلو روح أقضي بيه لداركم قالي لا قتلو روح عماد راني كرهت من الماكلة تاع الرخس قالي واش نجيبلك أنت قتلو والو قالي مسخفتي على والو قتلو والو قالي عمري مشفت مرأة تتوحم متسخفش كيما أنت قتلو هاك تشوف فيا 4شهر عطاني ربي القوة مسخفت على والو وحتى الدوخة والقي مكانش راهو ربي معايا متخافش باسني على راسي وقالي ربي يقدرني نعوضك وراح

جات عجوزتي قاتلي واش راح ديري عشاء الليلة راهي جاية أختي تبات عندنا قلتلها أو راح عماد يقضي درك نشوف واش ندير روح عماد قضى كلش رحت الكوزينة راح نفرز لحوايج قالي عماد واش ديري قاتلك الطبيبة متحركيش حتى ديري راديو قاتلو أمو راح تجي خالتك شكون يدرلها لعشاء قالها عماد أله لا تعشات الطفلة راهي مريضة قاتلو أنا منديرش وأنتم الله يسهل عليكم وليت قلت لعماد خلي برك درك نطيب أنا أو عيب من خالتك قعد عاوني عماد كملت لعشاء جات خالتو قعدت معاها شوية كي وقفت لقيت ڨندورتي كامل حمراء بالدم شفتني خالت عماد قاتلي وشبيك حكيتلها حكمت أختها بردتها وعيطت لعماد قاتلو درك هبط مرتك لسبيطار اي كاينة طبيبة نعرفها درك نعيط نوصيها كي دخل طلعوني جات طبيبة شفتني درتلي راديو قاتلي أبنتي البيبي راه هابط والولادة محلولة قاتلي لازم تقعدي عندا ديري راحة روح عماد جابلي حوايجي وخلالي تلفونو قالي درك نعيطلك كي راح عيط لماما قلتلها راني في سبيطار قاتلي الله غالب منقدرش نجيك كوبيت بكيت حتى شبعت على زهري بت الليلة الاولى غدوا جاتني الطبيبة قاتلي نعاودلك الراديو عاودتلي قاتلي عندك بنوتة نشاء الله تتربا في عزك أنا فرحت راح نجيب أختي جاء عماد قتلو راح تجينا بنوتة قالي المهم سلامت راسك وقالي راهم عيطولي على خدمة بصح بعيدة ونقعد 15يوم ونجي قتلو أنا معليش ربي يسهل قالي نشوف مع الطبيبة وكتاه تخرجي هدر معاها قاتلو مستحيل تخرج راهي صغيرة وحالتها متعجبش فقر الدم والبيبي راه في خطر قادر في أي دقيقة تهبطو قعدت شهر كامل في سبيطار عماد راحت عليه الخدمة على خاطر معنديش شكون يطل عليا بعت حوايجي تاع الذهب كامل باه كان علاء يجيبلي الدواء والماكلة خرجت من سبيطار روحت قاتلي عجوزتي مزلتي حية

روحت قاتلي عجوزتي مزلتي حية أنا قلت تروحي ميتة حقرتها دخلت لبيتي وجدت حوايجي ودخلت لدوش نحيت الهم تاع سبيطار ومن غدوة رجعت لخدمة الدار كيما كنت سقستني عجوزتي قاتلي واش راح تجيبي قلتلها راح نجيب أختي قاتلي يخلخل جنابك قلتلها أنا الحمد لله المهم نسلك على خير عيطت لعماد قاتلو مرتك راح تجيب أختها وتضحك قالها عماد معليش الحمد الله هذا معطاني ربي قاتلو ألحڨ عليا راح معاها أنا كملت خدمتي رحت لبيتي جاء عماد قالي ماما عندها حق لازملي طفل طفل هو وريث باباه قتلو أنا مرة أخرى نشاء الله قالي أنا مبغيتش طفلة قتلو حاجة ربي هذي ميش بيدينا سكت وصل وقت لعشاء حنا حطينا لعشاء بعد بدات عجوزتي تبكي قلنالها وشبيك قالتنا نبكي على ولدي مسكين راح يجيب غير لبنات أنا سكت شيخي قالها ربي يهديك ووقف وعماد سكت ومن بعد قلب الطابلة و خرج لميت أنا الدنيا ورحت نستنا في عماد قعد بنص الليل وروح سكران أنا درت روحي راقدة دخل خبط الباب قالي نوضي نوضت قتلو نحطلك تتعشا قالي ناكل الرهج أنا سكت قالي أهدري قوليلي يرهجك ولا قلتيها في قلبك قتلو أنا ربي يهديك دخل فيا بالضرب أنا خبيت كرشي قعد يضرب فيا علا وجهي حسيت روحي بديت ندوخ دزيتو قالي هو دزيني يا ق….. جات عجوزتي وشيخي قالو باباه سيب الطفلة قاتلو عجوزتي بينو بين مرتو واش دخلنا حنا وراحو هنا عرفت بلي هي لي تحكم في كلش رجع عماد يضرب فيا الضربة اللخرة في رقبتي طحت مفقتش كي فطنت لقيت روحي مطايشة وحدي في الشومبرة كي فطنت مقدرتش نهدر قعدت هكاك دخل عماد قالي أنت علاه توصلي روحك أني نحبك جاتني الضحكة تبسمت وهبط راسي جا عندي حكمني من وجهي وقالي أهدري معايا جيت نهدر مقدرتش عيت نجرب مقدرتش وليت نضرب في روحي ونبكي عماد يقلي اسمحيلي اسمحيلي اسمحيلي. أنا ولاو مقدرتش نهدر قعد نبكي حتى طلع النهار لبست حوايجي وخرجت شافني عماد قالي واين رايحة مشيت خليتو لبس ولحق عليا وأنا ماشية ونبكي حتى قريب نوصل لدارنا بدات دارنا تبان بصح بعيدة شوية حبست قالي عماد تروحي لداركم وكون يسحتوك أكي معاتش ترجعي عندي بقيت نخمم كون ميقبلنيش دارنا وين نروح أنا و الملائكة لي في كرشي رجعت لدار دخلت لشمبرتي وقعدت عماد خرج مرجعش أنا بقيت 3أيام مناكل منشرب مانهدر منخرجش من بيتي غي لقضاء الحاجة النهار الرابع روح عماد لقاني قريب نموت قال لأمو علاه معيطليش قلتولي راهي مريضة قاتلو أمو وأنا وين علبالي هي نهار كامل قافلة على روحها واش راح نديرلها هزني داني لطبيب ……

دخلني لطبيب قالو جتها دربة قاوية في رقبتها بلاك منها هي مهيش قادرة تهدر وأصلا الطفلة راهي عندها صدمة قاوية بصح مع الوقت ترجع تهدر بصح لازم تديها لطبيب نفساني .خرجنا روحنا لدار قعدت تقريبا 15يوم يوم منخرجش من بيتي ومن بعدت بديت نرجع كيما كنت بصح مانهدرش قعدت عجوزتي كل يوم اشريلي في المشاكل وعماد كل يوم يروح سكران ويضربني على خاطر معاتش نحملو يمسني تقريبا كل ليلة يضربني حتى ولفت معاتش نحس ولا يبانلي عادي وصلت لشهر التاسع حكمني لوجاع في الليل داني لسبيطار محبوش يقبلوني بلا كارني تاع البيبي على خاطر أنا كنت مريضة مانهدرش وهو محوسش عليا باه يدرلي الكارني تاع البيبي سطرني ربي قعدت لصباح روحت درت راديو وليزانليز ودرت الكارني سهلولي فيه باه نزيد .كي درت الراديو قالي الطبيب لازمك العملية راكي صغيرة ماتقدريش تقاومي أنا غير ساكتة سقسى الطبيب عماد قالو مرتك متهدرش قالو عماد ايه جتها شوك منها مزدتش هدرت روحت قعدت نهارين دخل عماد لقاني نبكي قالي معندكش لوجاع قتلو لالا قالي مالا وشبيك أنا غير نبكي جابلي ورقة قالي أكتبي فيها كتبتلو بلي بنتي ماعندها والو تلبسو كي تولد لدنيا قراها ضرب راصو قالي راحت من بالي قالي البسي حوايجك درك نخرج ونرجع راح جاب دراهم كان يخدم المدة لي فاتت كي رجع قالي مزلتي ملبستيش البسي نروحو نشرو حوايج الطفلة خرجنا شرالها كلش بالدوبل كلش وكلش خيرو هو على ذوقو روحنا داهم لماماه نعتهملها قاتلو لفزاد كون قلتيلي اني قلت لمرت عمك اي مدتلك حوايج بنتها الصغيرة قالها بنتي متلبسش حوايج الناس .قاتلو أختو ومرتك واش راح تلبس قالها مقتليش أشريلي قاتلو حتى تقلك قالها غدوة نشريلها أنا رحت دوشت وخرجت أنا خرجت من الدوش حكمني لوجاع داوني لسبيطار شفتني الطبيبة قاتلي راكي تاع زيادة قاتلي واش راكي تحسي في روحك وأنا ساكتة خرجت لعماد قاتلو مرتك أرواح شوفها محبتش تهدر دخل عندي قالي جربي أهدر نضت نبكي تاع أني منقدرش جبتلي الطبيبة ورقة قاتلي أكتبي كتبتلها بلي رجليا منيش نحس بيهم قاتلو نديرولها العملية راحت ورجعت لقتني نتوجع قاتلي قوا عليك لوجاع قلتلها براسي ايه بدا يقوا عليا لوجاع وهي تكورج فيا وتقلي دزي متخفيش متخفيش وأنا حتا الصوت مكانش كي كثر عندي لوجاع وليت نعيط ياربي ياربي ياربي خرجت بنوتة كيما لقمر تشبه لباباها خرجت الطبيبة قاتلو اعطيني حوايج مرتك وبنت مدلها حوايج الطفلة وقالها تاع مرتي نسيتهم نروح نجيبهم ونجي جات الطبيبة مسحت الطفلة ولبستها ورجعت ليا نضفتلي وخيطتني وأنا لا خبر كي كملت قاتلي واش تسمي بنت قلتلها سقسي باباها قاتلي أو راح يجيبلك حوايج جابلي حوايجي الحق بدلتلي ونضفتلي ربي يعطيها ماتتمنا دتني لبلاصتي البنوتة سماها باباها .قعدت ليلة وخرجت عيط لماما قلتلها راني زيدت قاتلي طهلي في روحك وكوبات .قعدت في بيتي حتى بنتي معرفتش نهزها وهي راقدة تهبل ملاك

رقدت ريحت شوية جات عجوزتي قاتلي أرواحي تتعشي في الكوزينة حنا وجدنا الطابلة وأنا كنت جعانة ميت بالجوع جيت نوقف مقدرتش وجعني الجرح والخيط وليت قعدت جات عندي قاتلي متكليش قلتلها والله مقدرت نوقف راحت وخلاتني لعشية صونا تلفون عماد قالي ماماك تعيط هزيت عليها قاتلي قولي لراجلك يستناوني بحذا دارهم درك نجي أنا وخوك نمدو وحد لحوايج ونروح قتلو قالي علاه ميجوش لدار قتلو كون يسمع بابا والله يطلقها قعد يستنا جات ماما مع واحد من خاوتي هذا العاقل فيهم مدتلو لحوايج خويا قعد مهبطش من الطومو بيل وراحو .دخلهم عماد جابولي دارنا حوايج ليا وكابة البنوتة فيها كلش وجابولي مناڨش لبنتي القضيان القاطو من كل نوع مقروض بقلاوة كلش كي حليت كابة تاع البنوت لقيت فيها دراهم خبيتهم جات عجوزتي قاتلي داركم أم يتفكروفيك بصح علاه ميجوش عندك قلتلها أنا جربي أنت أعرضيهم بلاك يجيو على قدرك أي دارتلي رايي وعيطت لماما هدرت معاها شوية وعرضتها ماما قلتلها أنا خطيني الراي شوفو مع الرجال كي روح شيخي عيط لبابا قالو بنت اي زيدت أرواحو عندنا نفرحو مع بعضانا بابا قالو معندي طفلة منفرح معاها عجوزتي كي سمعت الهدرة هذي تسلطت عليا أكثر من قبل…..

عجوزتي تسلطت وبدات تعاير في قاتلي حتى طفل كي النساء مجبتيهش قلتلها الحمد الله ربي عطاني طفلة تواسيني ربي يعيشهالي هذي هي الفايدة قاتلي فاه راح تواسيك قلتلها في الهم لي راني فيه قالت لعماد مرتك ولات تشوف فيك هم أنت لي رخيس قيمتيها ضربني عماد بكف وخرج قعدت هكاك بالشر ليلة كاملة ناضت البنوتة تبكي ملقيت واش نديرلها ماعندهاش لحليب وليت هزيتها مديتلها صدري في اللول مكانش لحليب ومن بعد ولا يسيح محبش يحبس رضعتها وبدلتلها وحطيتها وأنا لوجاع تاع الجرح قتلني رقدة البنوتة شوية وناضت تبكي محبتش تسكت ليلة كاملة وأنا هازتها حتى رقدت وهي في يدي رقدت معاها وأنا قاعدة كي فطنت لقيتها مسكينة تغمت نحتلها وحطيتها طلع النهار روح عماد سكران بدايا يلعب معاها وأنا محبيتوش يقرب ليها وهو سكران قتلو عماد نوجدلك تدوش قالي علاه قلقتك قتلو لا بصح البنوتة متحملش قالي معليش في خاطر بنتي نروح ندوش وقفت بالسيف وجدتلو دوش وبدلت لبنتي وبدلت حوايجي غسلتهم قاتلي عجوزتي خليهم درك نغسلهم قلتلها متغسليليش أخطيني برك هذي هي الفايدة قاتلي ولي تعرفي تهدري وبدات تعيط جا الفحل تاعي كي العادة عطاني طريحة تحل الخيط وليت بكلي دم نضت غسلت روحي ومسحت دموعي وهزيت بنتي رضعتها عماد لبس وخرج .رحت لعجوزتي قلتلها نقلك حاجة أنا حسباتك كيما ماما حن قلبك وبيضيه أنا راني خيرت ولدك وقابلة بيه سمحت في دارنا في حياتي في كلش على جالو قاتلي عماد حابة أنا نروجو أنا وهو خيرك أنت قلتلها هذا مكتوب مهوش بيدينا في زوج ربي يعيشك لي فيا يكفيني أخطيني برك ربي يعيشك سكتت مهدرت والو وقفت كملت الشغل وأنا نتوجع رحت لبيتي ريحت بحذا بنتي مدهالي ربي عاقلا ترقد متنوضش الا اذا كانت مريضة فوت شهر عجوزتي مدرتش بيا وعماد خدام أمورنا لباس وحد النهار روح عماد من الخدمة فات لبنتو ديراكت يلعب معاها ويقلها حبي الاول عمري الكبدة وأنا نخزر فيه ونتبسم خزرت فيا قالي غرتي منها ضحكت قتلو لالا قالي متخفيش أنت هي حبي الأول حضني وقالي راكي ساكنة في القلب بصح راني مضغوط قتلو من واش راك مضغوط قالي كون جيت قادر راني خرجت سكنت وحدي بعيد على دارنا قتلو أنا تفرج نشاء الله وجدتلو دوش وبدل هز البنوتة وراح قعد مع ماماه ويلعب معاها وأنا نوجدلو في القهوة قعد قاتلو أمو كون جا عندك طفل راهو هو لي يدفنك ويورثك وبدات تهدر جبت لعماد القهوة وهي تعاود في الهدرة الطفل يورث الطفل يخدم عليك الطفل يداويك عماد هز بنتو وراح للبيت وأنا لميت لماعن تاع القهوة نغسلهم وهي لحقت عليا قاتلي ولدي مسكين والله من عنيه باين حاب طفل قلتلها أنا طفل ميش راح يدخلو للجنة قاتلي الطفل يورث باباه مالا تورثو الطفلة وتديهم لرجلها قلقتني قلتلها أنت قوليلي واش راح يورثو واش عندو باباهم باه يورثو وأنت من الصباح تهدري على الورث ناضت تجري راحت لعماد قاتلو

وأنا نقول واش داني نهدر واش داني قلت اليوم يقتلني جا عماد قالي صح هدرتي هكا قتلو سمحني غلط ويدخل فيا بالضرب لماعن تاع الكوزينة كامل هبطو فوق راسي وخرج نضت غسلت وجهي من الدم جرحني الزجاج ولبست حوايجي وهزيت بنتي وخرجت قاتلي عجوزتي وين رايحة قلتلها رايحة لجهنم الحمراء ومنقعدش هنا جاء عماد داخل قالي وين رايحة قتلو رايحة لدارنا قالي درك يسحتوك قتلو علابالي ميسحتونيش قالي درك يدروك كي الكلبة قتلو خليني نروح برك الله يسهل عليا قاتلي عجوزتي خلي الطفلة وروحي قلتلها ياخي متحبيش لبنات واش دخلك فيا قالت لعماد شفتي مرتك واش تهدر قتلو أنا أضرب كان مشبعتيش أضرب قالي أرجعي نهدر معاك دخلني للبيت نحالي الطفلة وحطها في بلاسطها وجا عندي قالي خلاص راح تروحي عليا وتخليني وحدي وأنا نحبك ضحكت ضحكة طويلة حتى هبطو الدموع قتلو تحبني وينو حبك ليا وينو قالي علبالك بيا نقلق قتلو تقلق تفرغ فيا قلقتك سكت جبدتلو السبة تاعو قتلو هاك أضربني متحبسش حتى نقلك راني ندمت كي ديتك قالي هو علاه مندمتيش كي ديتني قتلو مندمتش وعمري مانندم على خاطر راني نحبك أفهم نحبك ودركا سمحني خليني نروح هزيت بنتي وخرجت هو قعد جامد في بلاصتو روحت مشيت وصلت لدارنا عطاني ربي القوة طبطبت الباب …..

طبطبت…..حلت عليا عليا ماما دخلتني تبوس وتحضن وتبكي دخلت ملقيت حتى واحد أول حاجة دخلت لشمبرتي كيما خليتها سريري خزانتي مكتبي الميكرو كلش أما لقيتها تعبات غبرة جات عندي ماما قلتلها ماما علاه شمبرتي هكا بالغبرة قاتلي خوك ملي رحتي ولا يشرب ويروح يدخل هنا ويقعد وكي ينوض يقفلها بالمفتاح ويخرج وليت نبكي على خويا لي بدلتلو حياتو قعدت مع ماما شويا ماما نستني أنا وتلهات في البنوتة تلعب معاها هكا شويا دخلو خاوتي أربعة مع بعضاهم مع دخلو قالولي ضربك علاه جيتي قلتلهم توحشتك خويا هذا الصغير قالي وشبيه وجهك ضربك أني علبالي اليوم يدخل درك نعتلو الضرب كيفاه قتلو ربي يعيشك خلينا من المشاكل قالي خفتي عليه أنا خوك مخممتيش فيا نهار لي رحتي وطيحتيلي قدري وطحنتيني وأنا راجل طيحتيلي راسي. في الارض مخممتيش فيا قالي واش خصك عندنا قالي حنا 6خاوتك تطلبي حاجة تجيك 6 كل واحد يحبك أكثر من الاخر قوليلي علاه علاه ضربتيني ضربة عمري ما نرتاح منها قالي طول عمري وأنا نستنا النهار لي تتزوجي فيه نفرحو بيك ونعرص صحابي ونشطح ونزها فرحان بأختي نستنا فيك وكتاه تتخرجي من الجامعة قالي حنا خاوتك رجال أحلامنا كانت مبنية عليك أنت نهار لي رحتي ضيعتينا وأنا أول واحد ضعت خاوتي لخرين ساكتين غير الدموع يهبطو وخرجو دخل بابا مقابلنيش أصلا قال لماما علاه جات قاتلو ماما توحشتنا سكت خرج هذيك الليلة بت في دارنا الغدوة الصباح جاو خاوتي كل واحد واش شراء لبنتي واحد سنسلة واحد خاتم واحد لبسة بصح ميهدروش معيا قعدت تغديت وقلت لماما بغيت نروح قاتلي أنت حرة عيطلها بابا قالها تروح لدارها ومنسحقهاش تجي دايما قلبي مزال ميش راضي عليها هزيت بنتي وخرجت بصح مديتش لحوايج لي شروهملي خاوتي رحت كيما جيت روحت لبيت شيخي دخلت لقيت عجوزتي قاتلي روحي شوفي عماد ملي رحتي وهو راقد ومكلاش دخلت هو ناض يجري حضني قالي عمري مخلتنيش رجعتي عندي أنا الحق غاضني مديتلو بنتو ورحت الكوزينة لقيت عجوزتي طيبت الغداء وقعد سخنتلو ديتلو هو بدا ياكل وأنا بدلت حوايجي وقعد شوية معاه حتى كمل وجدتلو دوش وخرج مسقسنيش خلاص على دارنا رقدت بنتي ورحت الكوزينة وجدت لعشاء جات عجوزتي قاتلي رحتي رحتي ورجعتي قاتلي ماتلمك غير دار راجلك قلتلها أخطيني ربي يعيشك خليني نقعد في داري قعدنا أيمات تخطبت سلفتي ورجلها كان واجد من كلش ومزروب قعدت شهر وجدت روحها ودارت العرس كي وصل العرس تاع سلفتي عيط لماما قلتلها راني وصل عرس سلفتي ومعنديش واش نلبس قاتلي درك نشريلك حوايج ونشوف كيفاه نبعثهملك بدينا نوجد لعرس سلفتي نديرو في القاطو وجدنا كلش نهارين قبل العرس عيطت ماما عند عماد قاتلو كي تروح قول لنريمان تعيطلي روح في الليل قالي هاكي عيطي لماما عيطلها قاتلي ارواحي غدوة عندنا قلتلها وبابا قاتلي أو هو لي قالي عيطيلها غدوة الصباح مع نضت من النوم بدلت البنوتة وصلني عماد وراح دخلت لقيت ماما وبنت خالي قاتلي ماما عيط لراجلك قوليلى راني خارجة عيطلو قالي ربي يسهل خليت بنتي عند بنت خالي وخرجت مع ماما لي عجبتني كامل شريتها شريت كلش واش نحتاج ليا وروحنا كي روحنا لدار عيطلي عماد قالي نجي نديك قتلو معليش وجدت بنتي حوايجي جبتلي ماما حوايج بنتي لي شرولها خوالها قاتلي أديهم معاك أنا فرحت باه نلبسهم لبنتي في العرس قاتلي ماما وأنت ونهم حوايجك قلتلها بلي بعت كلش قاتلي ومناقش بنتك وينهم قلتلها راهم مخبيين راحت جبتلي حويجها تاع الذهب كامل قاتلي متروحيش عريانة في وسط الناس وصل عماد عيط عند ماما جرجت لحوايج مديتهملو حطهم في الطموبيل ورجعت هزيت البنوتة وروحنا قاتلي سلفتي حسبتك راح ديريها بيا ومتروحيش قلتلها علاه منخليش أختي وحدها حضنتني وباستني قاتلي ارواحي تشوفي لغوب لي كريتها قلتلها نحط البنوتة ونجيك دخل عماد لحوايج حطهم في بيتي واحد لا شافهمورحت لسلفتي قعدت معاها وفي الليل حنيتلها وقاتلي تباتي معايا الليلة قلتلها أنا ايه نبات معاك الصباح نضنا دوشت أنا وبنتي ونوضت عماد دوش ووصلنا للحفافة أنا وسلفتي كملنا جاء دانا لدار سلفتي وجدت روحها لبست لاغوب جات تهبل كي الوردة كملت معاها ودخلت لشمبرتي وجدت لعمادحوايجو لبسهم وأنا قفلت الباب وقدت أنا وبنتي لبستلها حويجها ولبستلها السنسلةوالخاتم جات كيما الأميرة وأنا لبست لبسة وهراني أنا نموت عليه لبس حوايج ماما تاع الذهب كلشي جيت نهبل راني نفوخ بروحي كي خرجت لقيت المعاريض كامل جاو كي شافوني قعدو يخزرو فيا كامل حايرين هذي لي كنا دايما نضحكو عليها وعجوزتي ماتت بالغيرة سلفتي قاتلي هاي جات مرت خويا الزينة وحضنتني قعدنا نستاناو حتى جاو الطموبيلات يصونيو خرجت لعروسة ولمعاريض قعدت أنا وعجوزتي لخرين دخل عماد كي شافني عنيه ولاو قلوب قالي الزين هذا وين كان مخبي قالي غطي وجهك ولا أقعدي هنا دارلي الخمار على وجهي وخرجني وصلنا لبيت لعريس خلاني أنا الخيرة حتى نقص الغاشي باه هبطني دخلت كامل يخزرو فيا صح أنا منيش شابة بصح كي عدلت ولبست جيت نهبل فرحنا شبعت شطيح وعجوزتي تخزر فيا بنص عين كملنا عرس يهبل روحنا في الليل …….

روحنا في الليل دخلنا عماد قالي نروح نوصل خالتي ونجيك عجوزتي راحت رقدت من التعب وأنا دخلت الكوزينة لميتها شوية ورحت لدوش دوشت نص فرات مغسلتش شعري وجهي حبت نقعد بيهم حتى يجي عماد رحت لبيتي بدلت لبنتي ورقدتها ولبست نويزات كحلة وعاودت لغوجلافر وقعدت نستنى في عماد حتى نسمع فيه دخل يهدر مع أمو أنا قلت ياخي رقدت علاه ناضت قعدت شوية نسمع في عماد يعيط عليا بالصوت لبست قندورة ورحت نجري مع وصلت

بدا يضرب فيا بالكف ويقلي طشطحي قدام الرجال طشطحي قدام الرجال وأنا نقولو والله مخرجت قدامهم والله حبس قالي علاه قتلك خرجتي قتلك شطحتي قتلو والله مشطحت قدام الرجال قالي اي قاتلي ماما دخلو الدراري وأنت تشطحي قعدت نخمم أنا بلاك صح وأنا متولهتش قلتلها ماما فكريني وكتاه دخلو أنا مشفتهمش قاتلي لي دخلو عدلو الخيط تاع البوسط مع الطفلة قلتلها ماما هذوك ياربي عمرهم 9ولا 10سنين قاتلي معلبليش أنا بنولي كبار قالها عماد ماما تتمسخري بيا قاتلو أنا مشفتهمش مليح بانولي كبار رحت لبيتي دخلت بكيت على زهري حتى شبعت جاء عماد راح يهدر قتلو حبس كان راح تقلي اسمحيلي راني والله مانسامحك لا دنيا لا آخرة ونوكل عليك قفلي فمي قالي متكمليش ربي يعيشك اسمحيلي والله راني غلط قتلو أخرج ربي يعيشك منيش

قادرة نشوفك غسلة وجهي ورقدت نضت الصباح لقيت عجوزتي توجد في الصباحة تاع بنتها قاتلي عونيني قلتلها منعرفش نعاون نعرف نشطح في وسط الرجال برك قاتلي متحشميش قلتلها من اليوم ورايح معاتش نحشم أنا نتضرب بلا سبة مالا خلي نبرد قلبي وأنت عيط لسبع ولدك يجي يضربني سكتت رحت لبيتي رضعت بنتي وبدلتلها وقعدت جاء عماد قالي وجدي روحك أو راح الحال قتلو وين نروح بوجهي هكا قدام لعباد قالي نديك للحفافة درك معاتش يبان قتلو وجهي نخبيه بالمكياج والجرح لي في قلبي بواه نخبيه قالي قتلك تروحي تروحي وراح يضربني قتلو خلاص نروح لبست لبنتي وأنا لبست حجابي رحت بيه قعدت بيه حتى روحت كي روحنا وجدنا لعشاء تعشينا ورحنا رقدنا قربلي عماد قتلو بعد عليا راني معاتش نحملك رقد نضنا الصباح قتلو وصلني لدارنا ندي لماما حويجها داني وجابني في دقيقة روحنا كمل نهار روح عماد سكران قرب ليا قتلو لا قالي حتى أنا منيش نسقسي فيك المهم رقد معايا بسيف عليا نضنا الصباح جا عندي قالي نحبك قتلو أنا نعشق فيك حضني وراح يخدم ……

قعدت 5سنين وليت نروح لدارنا وكتاه نحب أنا وعماد يرحبو بيا معايا يفرحوبيا بصح حياتي مع عماد متبدل فيها والو بالعكس زادت أكثر ولا دايما يضربني ويقلي راكي مطلقة وكي نحب نروح لدارنا يحطلي الموس في رقبتي يقلي نقتلك ونقتل روحي وليت نقعد ونسكت بصح المشكل أني مقدرتش نكره عماد ولا نهار شكيت منو لدارنا ديما نقول راني لباس كنت نستنى تفرج عليا

كيما يقولو ناس بكري لي صبرت دارها عمرت

وأنا نقاصي في حياتي على خاطر أنا عماد كنت نحبو وليت عشقت فيه وعشت معاه في الحرام على خاطر هو طلقني أكثر من عشرين مرة

قعدت أيمات هزيت بالحمل فوت الشهورا الاوليين ورحت لطبيب ندير راديو قالي عندك طفلة جابني عماد طريق كاملة وهو يسب فيا ويقلي مهيش بنتي لازم تهبطيها قعدت شهورا وأنا نعاني في الضرب والهم ومنحكيش لدارنا حتى ولدت البنوتة الثانية دارنا كانو هما يصرفو و هوما كلش ……

كملت شهرو بعد زيادة ببنتي الثانية نحاول مع عماد بلاك يتصلح أما النافع ربي ماشي وين يتمادا ويزيد وأنا كنت سعات نقرر نروح لدارنا ومعاتش نرجع أما نخمم في بناتي محبيتش نبعدهم على باباهم دخلت بنتي لكبيرة تقرا سنة أولى ميحوسش عليهم ولا على مستلزماتهم لي يخدمو في النهار يديه الليل في الشراب والسهرات وعجوزتي مرضت بالسكر ولات مريضة حكمت فمها وبعدت عليا معاتش ديرلي المشاكل ولات لباس معايا كنت أنا مشغولة بين الدار وبناتي وعجوزتي لمريضة وعلاقتي بعماد متبدل فيها والو كملت بقات على حالها

كملت بنتي الفصل الاول من القراية دات العطلة روحنا عند سلفتي نطلو عليها قعدنا عندها نهار كامل كي روحنا تلاقينا بيت شيخها قعدنا مقصرين هدرة تجبد هدرة حتى بدينا نهدرو على الزواج و المسؤولية والراجل لي قايم بدارو وأولادو قالو هما الدنيا مكتوب وكل واحد واش كتبلو ربي قلتلهم أنا لا ميش مكتوب أو الراي كي يكون معوج يديك للهلاك قاتلي عجوزت سلفتي ملا أنت أختيارك معجبكش قلتلها أنا اختياري حطمني أما الواحد غلط لازم يخلص الغلطة تاعو وأنا راني نخلص قاتلي سلفتي أصبري تفرج قلتلها أنا محبتش تفرج نشاء الله تفرج عليا بالموت قاتلي عجوزتي واش خاصك مع ولدي قلتلها الحمد الله متشوفيش فيا في جنة كبيرة مع ولدك حتى المصروف ميصرفش على أولادو عجوزت سلفتي ستغربت وسكتت بدلنا الموضوع قعدنا حتى لعشية وروحنا كي وصلنا لدار قاتلي عجوزتي بهدلتينا قدام الناس قلتلها واش راح نخبي الناس كامل علبالهم بالهم لي.راني عايشة فيه جاء عماد قالنا واش كاين قاتلو عجوزتي مرتك بهدلتنا قدام الناس وفضحاتك ورخساتك وحكاتلو لحكاية قالي عماد أنا مهملك قتلو واش رايك أنا نكذب عليك أنت علبالك بروحك بلي تخدم على لخماج لي تشرب فيه وأنا ولبنات لوكان يخطوني دارنا نضيع قتلو راهم كرهو مني كون قعدت عندهم خير ليا قالي ملاندمتي قتلو أنا معاتش تنفع الندامة فاتني الحال ضاع صغري معاك يخسارت لي درتو معاك وأنا لا خبر فيق مع روحك الدنيا هذي راهي مهيش دايمة حتى لواحد والناس راهي تضحك في وجهك وتهدر في ضهرك قاتلي عجوزتي ولدي راجل واحد لا يهدر فيه متهدريش أنت فرات قلتلها مكانش حتى شيئ يتخبا حكمني عماد من شعري ويضرب فيا للحيط ويقولي واش هو الشيى لي ميتخباش يا ق……

وقعد يضرب فيا تجرح راسي وهبط الدم ولات بنتي لكبيرة تبكي سيبني وخرج بنتي تبكي وتقلي يماما خلي نروحو منقعدوش هنا هزيت بناتي ورحت لدارنا في الليل وحدي وصلت لدارنا قالولي معاتش ترجعي وكون ترجعي تنساينا المرة هذي فاتت هذيك الليلة وأنا كي الكلبة طلع النهار جاء عماد الصباح عندنا قال لبابا جيت ندي مرتي وبناتي قالو بابا معندكش عندي والو وبيناتنا الشرع راح عماد دخل بابا داني درت شاهدة طبية مدولي فيها 15يوم قالي بابا متشكيش بيه أما كون ميحبش يطلق أستعمليها ضدو

قعدت في دارنا 15يوم عماد يعيطلي عند ماما ويقلي نرجعو أنا سعات نحن قلبي نحب نرجع وسعات نتفكر واش عشت معاه نقول لا وكي نتفكر هدرة بابا نخاف لا يسمحو فيا دارنا ونضيع أنا ولبنات

كي مكنت في دارنا رجعت لصلاتي ونقراء قرآن كيما كنت بنتي رجعت تقرا بابا يديها ويجيبها كملت شهر جاء عماد حاب يشوف بنتو لكبيرة قالي بابا خليه يديها عندو شوية أو حرام علينا نبعدوه على بناتو داها معاه كل يوم يقلي اليوم نجيبها ومن بعد ولا يمدلها التلفون ويقلها عيطي على ماماك وقلها علاه خلتيني وحدي وتبدى تبكي وأنا قلبي يخرج فوتت عندو 15يوم خبرت خاوتي راحو عندو جابولي بنتي وقالولو دير طلاق بالتراضي ولا ترفع عليك قضية عنف جابولي بنتي لغدوة عيطلي عماد هزيت لقيتو شيخي قتلو سلام بابا لباس قالي عماد في سبيطار راهو ضرب روحو بالموس في كرشو …..

كي سمعت لخبر لبست حوايجي وهزيت بناتي وخرجت ماما قاتلي متروحيش ياك سمعتي باباك واش قالك أنا رحت خممت في عماد واش كيفاه راح يكون وصلت لبيت شيخي لقيت عجوزتي فرات في الدار قلتلها كاش خبر على عماد قاتلي راهو لباس أو درك يروح روحي وجديلو الغداء وأنا نحكملك لبنات وجدتلو لغداء روح دخل للبيت رحت عندو قتلو الحمد الله على سلامتك قالي روحتي كي الكلبة وحدك قتلو أنا روحت خفت عليك قالي كون جيتي تخافي عليا متطلبيش الطلاق قتلو الجرح لباس قالي لباس ضربة خفيفة قتلو علاه درتي هكا مخفتيش تموت كيفاه راح تقابل ربي قالي راح تبدي تفتي عليا روحي جيبيلي نتغدا ووجديلي ندوش وجدتلو تغدا ودوش لميت الدنيا وحطيت نغسل في القش وأنا نغسل في القش حسيت كاين حاجة في سروالو قلبت فيه لقيت 3حبات دواء حرت تعواه رحت ليه قتلو عماد تعواه هذا الدواء ناض يعيط وقالي معاتش تمسيلي حوايجي بلا ماتخبريني قتلو أنا علاه الدواء تعواه قالي ضرني راسي قتلو أنا نعرف الدواء تاع الراس بصح هذا ميشبهلوش قالي هذا الدواء كي نشربو نحس روحي لباس ننسا الهم قتلو ربي يهديك كملت القش عيطلي قالي ارواحي نحتاجك رحت ليه قالي ارواحي عندي نحكي معاك شوية توحشتك قعدت معاه بدا يهدر ويخلط في الهدرة شوية ونشوف فيه بداء يتعوج رحت نجري لعجوزتي قلتلها عيطت لواحد صاحبو كان برا داه لسبيطار كي جابو قالها لازم يدير ليزاناليز هاذم .قعد النهار هذاك لغدوة رحت معاه دارهم وقالولي على سمانة باه يخرجو فوتنا السمانة عماد ميش في حالو مع الجرح لي في كرشو طاحت صحتو خرجو ليزاناليز رحت أنا وهو جبناهم ديتهم لسبيطار شافهم الطبيب قال لعماد قداه عندك وأنت تشرب في الدواء والزطلة قالو 10سنين قالي راجلك مدمن ومعاتش يقدر يحبس ألا كان تبع العلاج روحنا لدار حكيت لأهلو واش كاين وقلنالو لازم تشوف طبيب قاللنا معاتش تجبدو الموضوع هذا

راح للبيت رقد وأنا عيط لماما نسقسيها واش أخبار بابا وأخوتي قاتلي راهم تفهمو الوضع ومقالو والو فرحت كي بابا متقلقش مني فوت عماد أيمات ورجع يخدم كيما كان في النهار خدام وفي الليل سكران وكي يروح نهدر معاه كي العادة يضربني أما أنا بقيت حاكمة في صلاتي وندعي في ربي يفرج عليا فاتو شهور وأنا على نفس الحال ماما كي نحكيلها تقلي معاتش ديري حتى خطوت حتى تتأكدي ميش راح تبقي تلعبي بأخوتك وباباك راهم كرهو منك بصح محبوش يفرطو فيك كي عدتي ولية خايفين عليك قاتلي ديري حل لعمرك كان تحبي تروحي روحي مرة وحدة ولا أقعدي وأحملي الهم وأسكتي .

قعدت على هذا الحال حتى واحد النهار تعركت مع عماد قتلو اديني لدارنا قالي كون تروحي نقتلك ونقتل روحي قعدت أنا نقلو نروح منقعدش قالي هو روحي راكي مطلقة مطلقة مطلقة ضحكت قتلو أنا راني مطلقة عندي سنين وأنا عايشة معاك في الحرام وحامل الذل أنا ذليت روحي وذليت عائلتي على جالك قتلو درك تديني ولا نعيطلهم يجو يديوني خرج ورجع قالي ألبسي نديك لداركم أرتاحي شوية ومن بعد نديرولها حل بصح متحكيش لداركم واش صرا أنا قتلو ايه منحكلهمش اديني نرتاح شوية ونروح هدرتو هكا باه يخليني نروح خفت كشا يديرلي داني لدارنا حكيتلهم كلشي من الاول الاخر عيط بابا لشيخي قالو أرواح نحتاجك راحو الامام حكاولو واش صرا قالهم راهي كانت عايشة في الحرام وحرمت عليه لازم تتزوج براجل آخر ويطلقها باه تقدر ترجع

روح بابا لدار قالي خلاص هنا وفضت لحكاية بزايد ..

هنا وفضت لحكاية بزايد رخستينا بزايد قعد عماد يعيطلي ويبعث في المسجات وأنا محبيتش نهدر معاه قعدت ثلاث أيام وهو يعيط ميحبسش ويبعث في المسجات النهار الرابع أنا قاعد صونا تلفون ماما هزت ماما التلفون ونسمع فيها قالت الله أكبر أنا عمري محسيت أحساس كيما هكاك النفس تقطع ومعاتش نقدر نتنفس جاتني ماما وجها متبدل قاتلي وشبيك قلتلها ضاق صدري ومنيش قادرة نتنفس قلتلها ماما شكون مات قاتلي واحد قريب لينا نعرفوه قلتلها ربي يرحمو وقعدت في الدار نروح ونرجع وماما تقلي أبنتي أقعدي وشبيك وأنا نقلها أماما قلبي وجعني قاتلي شهدي وأستغفري وصلي ركعتين درك يخفف عليك ربي رحت توضيت بديت نصلي نسمع في خاوتي دخلو ويهدرو مع بعضاهم ويقلو شكون يقلها شكون كملت صليت رحت ليهم لقيت 3أخوتي وبابا وخالي سلمت على خالي وقعدت معاهم جاو خاوتي زوج قعد حذايا واحد واقف قالي اختي قتلو أنعم أخويا قالي مثلا

أنا نسلفلك دراهم ونقعد مدة نجيك نقلك رجعيلي دراهمي ترجعهملي قتلو أنا أنت خويا منرجعلكش نديهم وضحكت قالي معليش بصح ربي كي يمدلنا حاجة وينحهالنا منقدروش نقلولو لا قتلو أنا أكيد منقدرش نعارضو ربي قالي….

ربي كي يمدلنا حاجة وينحهالنا منقدروش نقلولو لا قتلو أنا أكيد منقدرش نعارضو ربي قالي ملا يأختي أن لله وأنا أليه راجعون قتلو واش كاين قالي عماد حضرت ساعتو وراح عند مولاه أنا وليت نعيط نار شعلت ياربي نار شعلت ياربي نار شعلت ياربي وخاوتي يصبرو فيا طحت في الأرض حطيت يدي على راسي عاودت الفيلم تاع حياتي من الاول لآخر زعما عماد بعد لي صبرت معاه وحملت الهم هكا يروح ويخليني لالا مصدقتش وقفت خرجت نجري ونعيط وأخوتي ورايا وأنا نعيط يارب علاه كلش ألا الموت ياربي عماد مزال صغير ياربي عماد معاشش حياتو ياربي طفي ناري ياربي دخت فطنت في سبيطار دارولي سيروم كي فطنت نبوس في الطبيب من رجلها ونقلها ياك عماد مزال حي قوليلي وهي معلبلهاش تقلي مزال حي أصبري درك تروحي عندو خرجت من سبيطار روحت لدار لقيت الناس تلمت أهلي خلاتي عماتي وأنا مزال ميش مصدقة هزيت تلفون ماما ونعيط لعماد والو تلفونو مغلق شوية هكا جاو خاوتي قالولي نروحو هنا ونجيو داوني لسبيطار قلتلهم علاه جينا هنا قالولي أصبري درك نروح جبدولي وراقي سنييت عليهم معلباليش حتى علاه روحت لدار وأنا منيش مصدقة حاكمة التلفون ونبعث في المسجات لعماد والو لا خبر قعدت هكا حتى طلع النهار صباح عاودو داوني لسبيطار دخلوني جيهة وين يحطو الموتى دخلت جا واحد حل هذاك الباب خرجت نسمة باردة تقتل جبد جثة كشف على وجها لالا ميش عماد هذا لا منيش مصدقة قالي ربي يصبرك وأنا نقلو عماد نوض مزالني نحبك نوض منيش راح نطلق نوض راني نعشق فيك عماد مزلنا نجيبو طفل يهز أسمك

عماد لاحياة لمن تنادي رجعوه لبلاسطو وقفلو عليه الباب..

عماد لاحياة لمن تنادي رجعوه لبلاسطو وقفلو عليه الباب وأنا نعيط علاه عماد ميحملش البرد عماد راهو يغطي الزاورة في الصيف ويقلي راني بردان علاه حطيتوه ثم في البرد خرجت من سبيطار وخليت عماد روحت لدار الناس قامو بالعزاء وبداو يوجدو في الماكلة للعباد وأنا تايهة زعما الدنيا لدرجة هذي رخيسة ومنربحو منها والو بصح علاه عماد بالذات ياربي داوه دفنوه ورجعو صحابو كامل ألا عماد أولا عمامو وخوالو حاضرين ألا عماد حسيت الناس كامل عايشين ألا عماد راح عماد وضاعت أحلامي وضاع عمري وضاعت ضحكتي فاتو عليا 3أيام وصلني خبر بلي عماد انتحر عماد متقبلش فكرت الطلاق شنق روحو وسمح في حياتو ومخممش كيفاه يقابل ربي وعلاه ياربي علاه حسيت اني أنا سبت عماد في موتو فاتو أيمات وشهور وعماد مفرقش قلبي وخيالي حتى نهار

أنا والله حبيت عماد من قلبي وعشقتو أما غلطت صغر خلصتها غالية ياسر ياسر . حبيت من قصتي كل وحدة تعرف بلي كان مرضاوش والديك ربي ميرضاش عليك .

السابق
أسباب وعلاج وأعراض الركبة الطرقاء
التالي
أنواع التفكير البشر

اترك تعليقاً