لا تهملي انطواء الطفل وتمركزه حول ذاته وتقولي هو لا يجب ان يلعب مع الاخرين لان لو لم يتعلم الطفل المشاركة في الصغر سيظل هكذا وفي هذا المقال سنقدم افكار بسيطة حول كيفية تعليم الطفل المشاركة في اللعب مع الآخرين .
تعليم الطفل المشاركة في اللعب مع الآخرين
الطفل عادة في اول سنوات من عمره يكون لديه حب تملك ومش عايز حد يجي عنده لان الطفل بطييعته في السن ده لسة متقوقع حول نفسه
لكن بعد 3 سنوات تبدأ الطريقة السليمة لتربيته فلازم من العمر ده ندربه على كل القيم اللي نفسنا نزرعها فيه ومنها
التعاون والمشاركة مع الاخرين
بلاش التفضيل
بلاش نقوله انت احسن واحد واشطر واحد من كل اصحابك وانت اذكى طفل فحلو اننا نمدح اطفالنا
ونشجعهم لكن نراعي الكلمات متكونش على حساب الاخرين لان ده بيربي جواه انه اعلى من كل اللي
حواليه ولا يحب مشاكرتهم او التعاون معهم لأنه يشعر أنه أفضل منهم جميعا بل وتربي لدى الطفل كره للأخرين
وعود طفلك على كلمة ” نحن ” مش ” أنا ” فدي هتفرق معاه وتعلمه روح المشاركة .
الالعاب الجماعية
استغلوا انكوا في رحلة او خروجة حلوة مع اصحابكوا والعبوا العاب جماعية مش كل طفل ماسك الموبيل بتاعه او الايباد وقاعد يلعب لوحده
لكن حلو ناخد كرة معانا ونقسم الاطفال فرق ويلعبوا مع بعض ونرمي مباديء في اللعب ان فوز الفريق يعتمد على مجهودهم كلهم مش واحد بس
القصص والحواديت
استغلي وقت القصة بتاع بليل قبل النوم ده واحكي قصة عن أزاي لازم نتعاون مع بعض وازاى لازم نحب
الاخرين ونتشارك معاهم امتع اللحظات والاوقات وازاي التعاون دة حاجة كويسة وتحقق سعادة وفوز لو احنا فريق واحد
الاعمال المنزلية
حلو ان حتى في البيت نغذي روح التعاون ولو مثلا يوم هنضف فيه البيت استدعي اطفالك وقسموا
المهم عليكوا كلكوا وازاي ان لو ساعدتوا بعض كلكوا البيت هينضف احسن واسرع من ان واحد لوحده
يشيل البيت كله وينضفه فجو الحب والتعاون داخل البيت هينعكس على نفسية الطفل خارج البيت.
كونوا قدوة:
لو الطفل مشفش بابا وماما بيتعاونوا مع بعض في البيت مهما وصيتوا وطلبت منه يكون متعاون مش هيكون للكلام نتيجة لان مش شايف ده على ارض الواقع فالاحلى لو عايزين نزرع في الطفل الغريزة دي انه يشوف بابا بيساعد ماما في البيت ويتشاركوا مع
بعض المهام ولو راجعين من السوبر ماركت شايف ماما مع بابا بيشيلوا الاكياس سوا كل التصرفات البسيطة دي هتخلي الطفل يلقط التعاون
موقع مجلة ياسيمن يضم العديد من المقالات العامة المفيدة في كافة أمور الحياة للزائر العربي نساهم في انشاء محتوي جيد علي الانترنت وعالم صفحتنا على الفيسبوك او قناة يوتيوب
